Hugur og hönd - 01.06.1996, Blaðsíða 4
Listakonan
Inga Elín Kristinsdóttir
Maddama. - Steinleir.
Stór gullskreyttur
kertastjaki. - Steinleir.
Minningarkross um Ólöfu
Kristjánsdóttur, systur Ingu
Elínar, á altari Mosfellskirkju.
- Gler og steinsteypa.
Keramik- og glerlistaverk Ingu Elín-
ar Kristinsdóttur hafa vakið athygli
fyrir fallega hönnun og fjölbreyti-
leika. Undirritaður gekk á fund hennar til
að fræðast um listakonuna sjálfa, list-
menntun hennar og hvernig henni hefur
vegnað í listinni að námi loknu.
Inga Elín er innfæddur Mosfellingur, þar
býr hún og starfar enn.
Snemma bar á góðum teiknihæfileikum
og segir hún að sér hafi alltaf fundist teikn-
ing skemmtilegasta námsgreinin í barna-
skólanum. Móðir hennar veitti hæfileikun-
um athygli og hvatti hana og þegar Inga
Elín var 13 ára gaf hún henni fyrir námskeiði í Mynd-
listaskóla Reykjavíkur. Það nýttist vel, henni fór vel
fram og áhuginn efldist.
Vorið 1974, þegar Inga Elín var 15 ára, stóðst hún inn-
tökupróf í Myndlista- og handíðaskólann, eftir það
fannst henni framtíð sín ráðin, myndlistin átti þá orðið
hug hennar allan. Þegar fornámi í skólanum lauk valdi
hún að fara í kennaradeild skólans, hún er hagsýn og
hugsaði með sér að það gæti verið gott til vara að hafa
myndmenntarkennarapróf og atvinnu-
möguleika á því sviði ef á þyrfti að halda.
Hún útskrifaðist úr kennaradeildinni
vorið 1978, um haustið réði hún sig til
kennslu og var við það starf í þrjú ár.
Kennslustarfið féll henni vel en áhuginn
var alltaf brennandi að læra meira á mynd-
listarsviðinu.
Hún fór því aftur í Myndlista- og hand-
íðaskólann árið 1982, nú í keramikdeildina.
Sumarið eftir sótti hún um inngöngu í
Skolen for Brugskunst í Kaupmannahöfn
og fékk jákvætt svar. Þar stundaði hún nám
í 5 ár og tók lokapróf frá keramikdeild og
glerlistadeild skólans. Hún byrjaði þar í keramikdeild-
inni en eftir árs nám þar fengu nemendurnir að reyna
fyrir sér í glerlistadeild skólans. Þar kynntist hún fyrst
þeim möguleikum til listsköpunar sem glerið býr yfir
og varð hugfangin af því. Inga Elín afréð að fara þá strax
í glerlistadeildina en fékk því líka framgengt að hún
gæti einnig fengið að vera áfram í keramikdeildinni, var
það í fyrsta skipti sem skólinn leyfði slíkt. I glerlista-
deildinni lærði hún m.a. glerblástur.
Inga Elín Kristinsdóttir.
4 Hugur og hönd 1996