Hugur og hönd - 01.06.1996, Blaðsíða 50

Púðar lífga oft skemmtilega
upp á umhverfið, og svo er
líka alltaf gaman að gefa
gjafir sem maður hefur sjálfur gert.
Púðarnir sem uppskriftin er að eru
í sjálfu sér ekki flóknir, en einfalt
munstur í einhverjum þeim lit sem
fellur að smekk manns ásamt svo
kannski smávegis aukaskrauti
virkar oft vel. Púðarnir á mynd-
inni eru í mínum uppáhaldslitum,
einn blár, einn grænn, en garnið
sem notað er fæst í mun fleiri litum
þannig að möguleikarnir eru mun
fleiri. Perlurnar voru áður á festi
sem mér fannst mjög falleg en not-
aði þó næstum aldrei, en perlur af
ýmsum stærðum og gerðum fást í
föndurbúðum og kannski víðar.
Hér er ofin voðin aðeins notuð
sem framhlið á púða, bakhliðin er
úr ólituðu hrásilki, en eflaust væri
mjög fallegt að hafa báðar hliðar
úr handofinni voð. Ef einhver vill
hafa púðana þannig þá þarf að
lengja slönguna í 402 cm og kaupa
þeim mun meira af garni.
Stærð:44x44.
Vend: Hringjavaðmál.
Uppistaða: Hör nr. 16, hvítur.
ívaf: Rowan silk tweed nr. 11.
Rowan silk tweed nr. 14.
Skeið: 60/10,1 þráður í hafaldi,
2 þræðir í tönn, 12 þræðir á cm.
Breidd í skeið: 44 cm.
Þráðafjöldi: 528, rakið með 2
þráðum.
Slöngulengd: 292 cm.
Hver púði er ofinn 42 cm, mælt
slakt í vefstól, og auk þess 2 cm
hvorum megin í saumfar. A hvern
cm koma 7 fyrirdrög þannig að
ekki má slá vefinn mjög fast. Það
þarf að gæta þess að gefa upp í
með því að láta fyrirdragið liggja
dálítið á ská í opnu skili þegar
slegið er.
Sæunn Þorsteinsdóttir
50 Hugur og hönd 1996