Hugur og hönd - 01.06.1996, Blaðsíða 6

skapandi listamenn. Heimili hennar er skammt frá
vinnustofunni, það segir listakonan þægilegt, dagsverk-
ið verði oft drýgra og það sé þá hægt að nýta betur þær
stundir sem gefast til listsköpunar.
Verk hennar eru mjög fjölbreytileg og bera gott vitni
um rnikla sköpunargleði, hugmyndaflug, mikla þjálfun
og hæfni til að hanna fallega listmuni, nytjahluti, skúlpt-
úra og skrautmuni af ýmsum stærðum og gerðum.
Hún hefur gert marga hluti þar sem hún blandar
saman gleri og keramik en oftast býr hún til gripi sem
eru annaðhvort úr gleri eða keramik. Líklega er kerta-
stjakinn „Geysir" vinsælasti hluturinn sem hún hefur
framleitt. Þó að hún hafi gert mörg eintök af stjakanum
eru engin tvö eins, og grunnhugmyndin heldur stöðugt
áfram að þróast og breytast.
Undanfarið hefur Inga Elín lagt meiri áherslu á að
vinna úr glerinu. Hún segir að það haldi áfram að heilla
sig, möguleikar til hönnunar virðist vera ótæmandi.
Hún segir að sig langi til að vinna meira með glerið í
tengslum við ljós og lýsingu.
Sumir listgripir sem eru til sýnis í galleríi hennar á
Skólavörðustíg eru einfaldir og klárir í allri uppbygg-
ingu bæði hvað snertir form, lit og skreytingu, aðrir
flóknari, bæði myndbygging og skreyting. I þeim öllum
er gott samræmi, form, litaspil og skreyting mynda
góða heild.Verk hennar hafa vakið athygli fyrir sérstæða
hönnun.
Inga Elín hefur tekið þátt í nokkrum samsýningum
og haldið þrjár einkasýningar, þar af eina í Oriel galler-
íinu í London. Islenskur markaður í Flugstöð Leifs Ei-
ríkssonar kynnti hana sem „Listamann sumarsins 1992"
í versluninni í flughöfninni. Hún hefur hlotið viður-
kenningar fyrir verk sín bæði í Danmörku og Noregi.
Inga Elín segir að sala á verkum sínum sé góð og að
ágætt sé að geta komið verkum sínum á framfæri í eig-
in sýningaraðstöðu.
Það gefur auga leið að árangur Ingu Elínar byggist
ekki aðeins á góðum hæfileikum, menntun, þjálfun og
reynslu; þar liggja einnig að baki langir vinnudagar og
mjög mikið starf sem ekki er miðað við hefðbundinn
vinnutíma.
Hún álítur mikla möguleika á að nota gler meira í alls
konar byggingar og jafnvel húsgögn. Hún hefur margar
hugmyndir um hvernig fegra megi kirkjur með lista-
verkum úr gleri, nota það til dæmis í skírnarfonta og alt-
aristöflur úr gleri þar sem gler, litur og ljós spila með
formum og fallegri myndbyggingu.
Þórir Sigurðsson
Ljósmyndir: Guðmundur Ingólfsson / ímynd,
Hreinn Hreinsson o.fl.
6 Hugur og hönd 1996