Hugur og hönd - 01.06.1996, Qupperneq 23

m
Frá sýningunni í Hafnarborg.
flík við 6 liti, þar sem verið var að hanna uppskriftir
sem venjulegt prjónafólk átti að geta fylgt, það gekk
ekki vel. Þá var ákveðið að gera tilraun með uppskrift
með 20 litum. Sumum þótti það reyndar algerlega
vonlaust að fá fólk til að kaupa uppskrift með svo
mörgum litum, en á einum mánuði seldust yfir 7000
pakkar með uppskrift og garni! Og þar með var garn-
hnykillinn farinn að rúlla. Uppskriftir Kaffe Fassetts eru
seldar þannig að í einn pakka er látin uppskrift að flík
ásamt því garni sem í hana þarf þannig að fólk þurfi
ekki að kaupa heilar dokkur af öllum þeim litum sem í
flíkina fara. Svo hafa líka verið gefnar út bækur með
munstrum hans. Hér á landi er það verslunin Storkur-
inn sem selur þessa garnpakka, bækur og einnig garn í
lausasölu frá Rowan, ásamt því að halda námskeið í að
prjóna munsturprjón, þ.e. að prjóna alltaf á réttunni en
það er oft betra þegar prjónað er munstur eða jafnvel
mynd í mörgum litum. Munstrin sem Fassett hannar
eru mjög fjölbreytt enda sækir hann innblástur sinn
víða. Hann hefur rnikið skoðað gamla textíla á söfnum
og er þar af nógu að taka því Bretar hafa safnað munum
alls staðar að úr heiminum. Einnig leitar hann mikið út
í náttúruna og- þar er fjölbreytileikinn óendanlegur.
Heimili hans á Englandi er fullt af hlutum sem hann
hefur sankað að sér og verða honum oft kveikja að lit-
skrúðugum flíkum. Undanfarið hefur Kaffe Fassett leit-
að aðeins til baka á fornar slóðir, haldið í vesturátt og í
nýrri uppskriftabók sem væntanleg er frá honum leitar
hann innblásturs í Kaliforníu. Kaffe Fassett segist vona
að lrann verði sem flestum hvatning til þess að fara að
prjóna litskrúðugar flíkur því hann sé sönnun þess að
mikil tækni sé hreint ekki nauðsynleg. Við sem bara
kunnum brugðið og slétt fyllumst bjartsýni við þessi
orð, og nú er bara að taka fram prjónana og fitja upp.
Sæunn Þorsteinsdóttir
Ljósmyndir lánaði Malín Örlygsdóttir
Peysur úr nýju prjónabókinni þar sem Fassett sækir
innblástur sinn í litadýrð náttúrunnar í Kaliforníu.
Hugur og hönd 1996 23