Hugur og hönd - 01.06.1996, Blaðsíða 25

í kringum hann, og hefur ekki síður
þurft hugvit til þess að finna upp
slíkar þrautir. Gott dæmi um það
síðastnefnda er sá leikur barna að
giska á tölu tinda í dálkbeini, sem
margir kannast við. Þá var sagt:
„Gettu hvað margar árar eru á
borð" (ef piltur átti í hlut) og dálk-
beini síðan brugðið sem snöggvast
á loft. Sá sem spurður var svaraði:
„Til hvers er að vinna?" Hann fékk
þetta svar:
„Sessu og fat,
sæng í skála,
kopp á skör,
könnu á hillu.
Fríða mey fyrir framan þig,
ef þú vinnur,
en leiða, Ijóta og lúsuga,
efþú tapar."
Nú kom svarið og gat t.d. verið:
„Ég giska á tíu og tek svo tvo af,
hvort sem það er af eða á." I ágisk-
un mátti skeika tveim tindum.
Þessi þraut sýnir mjög vel að ekki
þarf alltaf mikið að hafa fyrir því
að búa til dægradvöl, hugvit er allt
sem þarf. Hér á meðfylgjandi
nryndum eru nokkrar af þrautun-
um í Skógum, og eins og sjá má
eru þær afar mismunandi en allar
eiga þær það þó sameiginlegt að
hafa áður stytt mönnum stundir,
valdið heilabrotum, kannski reiði
ef illa gekk en ánægju ef vel tókst
til. Sumar þessara þrauta eru við
það að falla í gleymsku, en sem
betur fer er ennþá til fólk sem
kann að leysa þær, og vonandi er
gætt að því að færa þá vitneskju
fram með því að kenna þeim sem
yngri eru að hafa gaman af þess-
um gömlu en þó síungu gesta-
þrautum.
Greinarhöfundur vill þakka
Þórði Tómassyni, safnverði í
Skógum, góðfúslega veitta aðstoð
og upplýsingar.
Sæunn Þorsteinsdóttir
Dægradvöl smíðuð af Þórði Tómassyni eftir fyrirmynd frá Hannesi Hjartar-
syni á Herjólfsstöðum.
Þankapinni.
Högnakylfa með 16 göddum, sbr.:
Það var högg hann Högni gaf / hinn þurfti ekki fleiri.
Sextán gaddar sukku á kaf, / sú var skeinan meiri.
(Andrarímur fornu)
Hugur og liönd 1996 25