Gríma - 01.09.1933, Síða 82

80
SAGAN AF NÆFRAKOLLtT
æfinnai-; fór hún að fyrirmælum móður sinnar og
lét þær systur ekki gjalda fyrri misgerða sinna.
Brúðkaup Helgu og kóngssonar var haldið nokkru
síðar með mikilli dýrð. Voru boðsgestir leystir út
með gjöfum og óskuðu þeir brúðhjónunum allra
heilla og hamingju. Tók kóngsson nokkrum árum
síðar við ríkisstjórn að föður sínum látnum. Urðu
þau kóngur og drottning langlíf og ástsæl af þegn-
um sínum.
Svo kunnum vér ekki þessa sögu lengri.
26.
Dranmvísa.
(Eftir handriti Baldvins Eggertssonar).
Sigurð Árnason bónda í Kirkjuhvammi á Vatns-
nesi vantaði eitt sinn hryssu að vetri til. Þá dreymdi
vinnumann hans, að til sín kæmi maður, sem 'kvæði
vísu þessa:
Sízt má hræra sig úr stað
sveipuð hvítum dúki;
kátir hrafnar koma að
og kroppa fæðu’ af búki.
Nokkru síðar fannst hryssan dauð. Hafði hana
fennt, en þiðnað ofan af henni síðar. Var hún þá
hrafnétin nokkuð.