Morgunblaðið - 04.06.2020, Blaðsíða 8

8 FRÉTTIRInnlent
MORGUNBLAÐIÐ FIMMTUDAGUR 4. JÚNÍ 2020
Fríform ehf.
Askalind 3,
201 Kópavogur.
562–1500
Friform.is
Mán.–Fös. 09–17
Glæsilegar danskar
innréttingar í öll
herbergi heimilisins
Um helgina voru 84 skotnir íChicago í Bandaríkjunum og
23 hinna særðu létust. Frá áramót-
um hafa 1.200 fengið sár eftir skot-
árásir þar og 220 þeirra fallið.
  
Flestir þeirrasem féllu eru
úr hópi blökku-
manna.
  
Engin mótmæli hafa borist útum Bandaríkin vegna þessa.
  
Eldur hefur ekki verið borinn aðverslunum, veitingastöðum
eða íbúðum fólks af þessu tilefni.
  
Enda eru íbúar borgarinnar svolánsamir að góðir demókratar
hafa lengi farið með stjórn borgar-
innar, sem ber titilinn morðaborg
Bandaríkjanna.
  
Það er því líklegt að þessi morðhafi ekki endilega orðið í ógöf-
ugum tilgangi né þau önnur morð
með skotvopnum, nærri 400 á ári
hverju, sem verða og þau tæplega
3.000 sem særast í árásunum að
auki.
  
Engin mótmæli hafa orðið í er-lendum borgum vegna þessa.
  
Allt farið fram hjá Austurvelli.
  
Þó hlýtur þessi morðalda í Chi-cago með einhverjum hætti að
vera Donald Trump að kenna og
þótt þetta ástand hafi verið hið dag-
lega brauð borgarinnar yfirgengi-
lega lengi.
  
Getur enginn stöðvað manninn?
Hvenær drepur
maður mann?
STAKSTEINAR
Hægt er að lýsa skoðun á ritstjórnar-
greinum Morgunblaðsins á slóðinni
http://mbl.is/mogginn/leidarar/
Maí var óvenju þurr og sólríkur
norðaustanlands, að því er kemur
fram í yfirliti Veðurstofunnar um
veðrið í mánuðinum.
Hiti var alls staðar yfir meðallagi
áranna 1961 til 1990 en um og yfir
meðaltali síðustu tíu ára. Þannig var
meðalhiti í Reykjavík í maí 7,1 stig
og er það 0,7 stigum yfir meðallagi
áranna 1961 til 1990, en 0,2 stigum
yfir meðallagi síðustu tíu ára. Á
Akureyri var meðalhitinn 6,6 stig,
1,1 stigi yfir meðallagi áranna 1961
til 1990, en 0,2 stigum yfir meðallagi
síðustu tíu ára. Í Stykkishólmi var
meðalhitinn 6 stig og 6,4 stig á Höfn í
Hornafirði.
Meðalhiti mánaðarins var hæstur
við Skarðsfjöruvita, 7,5 stig, en
lægstur -2 stig á Gagnheiði.
Hæsti hiti mánaðarins mældist
19,7 stig á Skjaldþingsstöðum hinn
29. Mest frost í mánuðinum mældist
-12,3 stig á Gagnheiði hinn 10. Mest
frost í byggð mældist -9,8 stig á
Grímsstöðum á Fjöllum hinn 10.
Þurrt var á Norðausturlandi en
blautara sunnanlands. Úrkoma í
Reykjavík mældist 57,8 mm sem er
32% umfram meðallag áranna 1961
til 1990. Á Akureyri mældist úrkom-
an aðeins 6,6 mm sem er um þriðj-
ungur af meðalúrkomu áranna 1961
til 1990.
Hitinn í maí víða yfir meðaltölum
 Hiti fór í 19,7 stig á Skjaldþingsstöðum
en 12,3 stiga frost mældist á Gagnheiði
Morgunblaðið/Arnþór
Sól Tiltölulega hlýtt var um allt
land í maí að sögn Veðurstofunnar.
Höskuldur Daði Magnússon
hdm@mbl.is
Mál ellefu ára drengs sem hefur ver-
ið í meðferð vegna skarðs í vör síðan
2015, en þarf að gera hlé á meðferð í
kjölfar breytingar á reglugerð um
síðustu áramót, er til umfjöllunar í
heilbrigðisráðuneytinu. Morgun-
blaðið greindi frá aðstæðum fjöl-
skyldunnar á þriðjudaginn. Eftir
breytinguna voru börn sem fæðast
með skarð í mjúkum góm tekin inn í
greiðslukerfi Sjúkratrygginga Ís-
lands. Hins vegar þarf að gangast
undir sérstakt mat frá tannlækna-
deild HÍ. Móðirin, Sif Huld Alberts-
dóttir, hefur ritað Svandísi Svavars-
dóttur heilbrigðisráðherra bréf og
óskað eftir rökstuðningi fyrir þessu.
Í svari við fyrirspurn Morgunblaðs-
ins kemur fram að ráðuneytið muni
svara bréfinu „innan skamms“.
„Það er rétt að reglugerðin sem
vísað er til og tók gildi 1. janúar sl.
kveður á um að greiðsluþátttaka
sjúkratrygginga vegna tannlækn-
inga og tannréttinga barna sem fæð-
ast með skarð í tannboga eða með
klofinn góm, harða eða mjúka, er
háð því að áður fari fram mat tann-
læknadeildar Háskóla Íslands á því
hvort meðferð sé talin nauðsynleg
og tímabær. Matsferlið hefur því
miður tafist vegna COVID-19 en
unnið er að gerð verkferla við að
meta umsóknir og boða umsækj-
endur í skoðun í þeim tilvikum sem
skoðun er nauðsynleg. Hins vegar er
vert að taka fram að í sumum málum
nægir tannlæknadeildinni að skoða
gögn umsækjanda og skoðun er ekki
nauðsynleg fyrir samþykki um
greiðsluþátttöku,“ segir í svari ráðu-
neytisins við fyrirspurn blaðsins.
Matsferlið tafðist
vegna veirunnar
 Heilbrigðisráðu-
neytið skoðar mál
ellefu ára drengs
Mæðgin Sif Huld Albertsdóttir og
Hermann Alexander sonur hennar.