Morgunblaðið - 04.06.2020, Blaðsíða 42

42
MORGUNBLAÐIÐ FIMMTUDAGUR 4. JÚNÍ 2020
HVERAGERÐI
Ásgeir Ingvarsson
ai@mbl.is
Undanfarnar helgar hafa verið anna-
samar hjá Ölverki í Hveragerði og
starfsfólk staðarins staðið í ströngu
við að afgreiða svanga og þyrsta
gesti sem koma víða að til að smakka
dýrindis pítsur og vandaðan hand-
verksbjór. „Það er einstakt andrúms-
loft í bænum þessa dagana og er til
dæmis sundlaugin á Hótel Örk yfir-
full af uppblásnum einhyrningum og
sóldýrkendum sem líður eins og þeir
séu staddir á Tenerife. Vinahópar
sem hefðu kannski annars verið á
leiðinni í helgarferð til Dyflinnar eða
Kaupmannahafnar hafa í staðinn
ákveðið að skella sér hingað til
Hveragerðis til að njóta alls þess sem
bærinn hefur upp á að bjóða, en hér
er að finna marga áhugaverða veit-
ingastaði með úrvalsmat og drykk,
skemmtilegar gönguleiðir, nokkrar
sundlaugar, sérverslanir og auðvitað
fjöldann allan af blómaverslunum,“
segir Laufey Sif Lárusdóttir, sem á
og rekur Ölverk með manni sínum
Elvari Þrastarsyni bruggmeistara.
Veitingastaðurinn varð þriggja ára
í maí og spratt upp úr ástríðu þeirra
hjúa fyrir pítsugerð og bjórbruggun.
„Elvar er mikill bjórspekúlant og við
bæði með mikinn áhuga á matargerð.
Á heimili okkar hafði þróast löng
hefð fyrir því að elda fyrsta flokks
pítsur á föstudagskvöldum. Var það
nokkuð vel þekkt fyrirbæri hjá góð-
kunningjum okkar að koma „óvart“ í
heimsókn á föstudögum og lenda í al-
vörupítsuveislu.“
Varð úr að opna pítsustað vorið
2017 og tvinna saman pítsubakstur
og framleiðslu á handverksbjór.
„Elvar lærði bjórgerð í Bretlandi og
er afar lunkinn við að töfra fram ljúf-
fengan bjór fyrir alls konar fólk með
mismunandi smekk á bjór. Við hugs-
uðum sem svo að þessi tvíþætti
rekstur myndi fara vel saman enda
enginn drykkur sem passar betur
með pítsu en bjór.“
Staðurinn er á besta stað á Breiðu-
mörkinni, aðalgötu bæjarins, en
Laufey segir að strax hafi verið svo
mikið að gera á veitingastaðnum að
bíða þurfti fram á haustið 2017 með
að hefja bjórframleiðsluna. Um er að
ræða ekta örbrugghús en aðeins eru
bruggaðir 300 lítrar af bjór í hvert
skipti. „Þá daga sem við bruggum
ilmar staðurinn af bjórgerð og er það
hluti af upplifuninni að geta fengið að
fylgjast með bjórframleiðslu,“ út-
skýrir Laufey en tekið er á móti hóp-
um í bjórsmökkun þar sem fræðast
má um hvert skref í framleiðslunni
og kafa hæfilega djúpt í bjórfræðin.
Uppgötva nýjan uppáhaldsbjór
Það orðspor fer af Ölverki að mikill
metnaður sé lagður í pítsugerðina og
aðeins besta fáanlega hráefni notað í
matseldina, hvort sem um er að ræða
pítsur, smárétti eða salöt. „Pítsurnar
okkar eru þunnbotna og með mjög
litlu geri svo að máltíðin er mjög
þægileg í maga. Við erum dugleg að
bjóða upp á nýjar og framandi pítsur
sem eru þá pítsur mánaðarins, bök-
um einnig veganpítsur og hugsum
alltaf um að hafa eitthvað á boð-
stólum fyrir alla,“ útskýrir Laufey.
„Vinsælt er að panta bjórsmakk-
platta með máltíðinni og fá þá gestir
fjórar ólíkar gerðir af bjór á borðið til
að hafa út af fyrir sig eða deila með
sessunautum sínum. Margir fara
héðan alveg heillaðir og uppljómaðir;
hafa uppgötvað hvað þeim þykir gott
að drekka pale ale með lakkrís- og
jarðarberjakeim eða skyr-súrbjór
með pistasíubragði ellegar hefðbund-
inn Ölverk Kölsch.“
Það ætti að gleðja unnendur hand-
verksbjórs um allt land að Ölverk
fjárfesti nýlega í bandarískri dósavél
og ætti bjórinn sem Elvar bruggar af
sannri ástríðu að birtast í hillum Vín-
búðanna með haustinu.
Bjórhátíð í gróðurhúsi
Vafalítið verður líf og fjör á veit-
ingastaðnum í allt sumar, en í haust
stendur til að halda heljarinnar við-
burð. Fyrstu helgina í október verð-
ur bjórhátíð Ölverks haldin í annað
sinn í Hveragerði og fer fram í einu
af gróðurhúsum bæjarins. „Á hátíð-
inni mun gestum gefast tækifæri til
að upplifa skemmtilega og öðruvísi
Andrúms-
loftið eins og
á Tenerife
● Straumur gesta liggur til Hveragerðis
og lífleg stemning hefur verið í bænum
undanfarnar helgar ● Maturinn og
drykkirnir hjá Ölverki laða marga að
Draumurinn Laufey og Elvar hafa bæði mikinn áhuga á matargerð, sem
vatt heldur betur upp á sig. Bjórhátíð í gróðurhúsi verður haldin í október.
Áherslur Pizzurnar eru í stöðugri
þróun og mikið í þær lagt.
Elfa Dögg Þórðardóttir segir að
fjölgun erlendra ferðmanna hafi
vafalítið átt sinn þátt í þeirri miklu
uppbyggingu sem hefur átt sér stað
í Hveragerði á undanförnum árum,
með nýjum gististöðum, framúr-
skarandi veitingastöðum og afþrey-
ingu af öllum mögulegum toga. „En
það er líka raunin að Hveragerði og
nágrenni hefur upp á svo margt að
bjóða og er bæði útivistar- og
menningarparadís við hæfi allra
aldurshópa og við hæfi fólks með
breytilega líkamlega getu. Hér eru
t.d. frábærar hjóla- og gönguleiðir,
bæði á jafnsléttu og upp í fjöllin,
innanbæjar og út í óspillta náttúr-
una. Reykjadalur er líka engu líkur
og þangað þyrpast börn og full-
orðnir til að synda í heitri ánni, og
bærinn sjálfur afskaplega fallegur
og vel viðhaldið. Við höfum garð-
yrkjustöðvarnar, sem fólk heim-
sækir alla leið úr Reykjavík til að
kaupa blóm og tré fyrir garðinn, þá
höfum við frábært listasaafn og
fyrirtæki eins og Iceland Activities
sem skipuleggur styttri og lengri
ferðir árið um kring og starfrækir
líka skemmtilega aparólu sem ligg-
ur yfir Varmá.“
Skemmtileg ferð úr bænum
Elfa hefur tekið virkan þátt í
uppbyggingu ferðaþjónustunnar í
bænum en árið 2012 festi hún kaup
á bútík-hótelinu Frosti og funa, fyr-
ir ofan bæinn, og opnaði síðar veit-
ingastaðinn og gistiheimilið Skyr-
gerðina við aðalgötu bæjarins.
„Frost og funi þykir ekki síst góður
kostur fyrir þá sem finnst gaman að
skjótast út úr bænum í rómantíska
ferð, og upplagt að gera sér daga-
mun með notalegri dvöl á hótelinu
og kvöldverði á einhverjum af þeim
fjölmörgu flottu veitingastöðum
sem finna má í Hveragerði,“ segir
Elfa og er ánægð með hvað Íslend-
ingar hafa verið duglegir að gista á
hótelinu það sem af er sumri: „Áður
voru erlendir ferðamenn í meiri-
hluta, og mig grunar að undanfarin
ár hafi sumir hugsað sem svo að
hótel og ferðamannastaðir innan-
lands hlytu að vera yfirfull af er-
lendum gestum og því ekki mikið
næði til að njóta – og hví þá ekki að
fara til útlanda í staðinn? Núna
gefst einmitt tækifærið til að upp-
lifa landið við aðeins rólegri kring-
umstæður.“
Á Frosti og funa var fyrir
skemmstu opnaður nýr veitinga-
staður sem fengið hefur nafnið
Reykr. Matsalurinn er í stórum
glerskála og hægt að sjá Varmá og
fallegar grænar hlíðarnar í kring á
meðan snætt er. Matgæðingar ættu
líka að heimsækja Skyrgerðina en
þar þykir matseldin einstaklega vel
heppnuð.
„Eftir umfangsmiklar endur-
bætur var þetta gamla og sögu-
fræga hús boðið til sölu, og ég lét
slag standa,“ segir Elfa en í húsinu
starfaði fyrsta íslenska skyrgerðin.
„Húsið lét ég innrétta upp á nýtt og
tókst að koma fyrir veitingastað og
fimmtán herbergjum fyrir nætur-
gesti, auk gamaldags skyrgerðar
þar sem skyrið er framleitt í pokum
og selt hnausþykkt í smjörpappírs-
umbúðum.“
Meðal þess sem einkennir veit-
ingastað Skyrgerðarinnar er að þar
er maturinn eldaður á kolagrilli og
eru lambakótiletturnar í uppáhaldi
hjá mörgum. „Þá gerum við mikið
út á alvöruhnallþórur og vitaskuld
er mikið notað af skyri í matargerð-
ina, s.s. með skyrsósum, skyrtertum
og meira að segja skyrkokkteilum á
borð við skyr-mojito.“ ai@mbl.is
„Núna er tækifærið til að upplifa landið“
● Nóg er að gera
hjá hótelum og
veitingastöðum í
Hveragerði og
margt að sjá og
gera í bænum
Ljósmynd/Guðmundur Karl
Áfangastaður Elfa Dögg segir Hveragerði útivistar- og menningarparadís.
Huggulegt Herbergin á Frosti og funa eru smekklega innréttuð.
Ekta Skyrgerðin er m.a. þekkt fyrir kolagrillaðar kótilettur.
Útsýni Heitur pottur Frosts og funa er umvafinn einstöku umhverfi.