Morgunblaðið - 04.06.2020, Blaðsíða 63

þjóð. Alveg frá barna- og unglinga-
starfinu upp í meistaraflokkinn og
þrátt fyrir að við höfum endað í
sjöunda sæti á síðustu leiktíð vor-
um við í baráttu um sænska meist-
aratitilinn allt fram í fjórðu síðustu
umferð deildarinnar.
Mér fannst við því eiga mjög gott
tímabil en þegar við áttum ekki
lengur möguleika á því að verða
meistarar sprakk blaðran. Sænska
deildin er fáránlega jöfn en við ætl-
um okkur að berjast í og við topp-
inn. Fyrstu þrír leikir tímabilsins
eru gegn liðunum sem er spáð
efstu þremur sætunum og það
verður því áhugavert að sjá hvern-
ig tímabilið fer af stað.“
Horfir í kringum sig
Elísabet viðurkennir að hugurinn
hafi aðeins reikað síðasta árið, en
hún verður samningslaus eftir
tímabilið og gæti því róið á önnur
mið.
„Í fyrsta sinn á tólf árum fór ég á
fund með öðru félagi síðasta haust
og ég get alveg viðurkennt það að
ég hugsaði málið eftir þann fund.
Þar spilar umhverfið stærsta hlut-
verkið því ég hef verið undir miklu
álagi á undanförnum árum. Ég hef
saknað þess að vera bara úti á velli
og bara einbeita mér að því að
bæta leikmenn og liðið sjálft. Ég er
búin að vera föst í alls konar atrið-
um þar sem ég hef viljað gera
klúbbinn að stóru félagi.
Það hefur kostað baráttu, tíma
og orku og þar sem ég er enn
hérna er ég aðeins föst í því. Ég fór
því aðeins að horfa í kringum mig
síðasta haust og ég mun skoða mín
mál betur þegar samningur minn
rennur út næsta haust. Að sama
skapi er ég mjög sátt við leik-
mannahópinn minn hérna, ég lít
björtum augum á tímabilið sem
fram undan er og það er það eina
sem ég er að hugsa um þessa
stundina.“
Margra ára vinna
Markmið Kristianstad í ár er að
berjast í og við toppinn en Elísabet
viðurkennir að kórónuveirufarald-
urinn hafi haft áhrif á rekstur fé-
lagsins.
„Við erum með einn stærsta og
breiðasta hópinn í deildinni og ég
held að við munum græða mjög
mikið á því. Það eru ekki mörg lið í
deildinni sem eru með upp í tutt-
ugu leikmenn á hverri einustu æf-
ingu hjá sér. Ég er búin að vinna
að því í mörg ár að komast í þenn-
an stað, það er að segja að vera
með svona marga jafna leikmenn
og þar af leiðandi alvöru sam-
keppni. Ég er með þrjá til fjóra
leikmenn í hverri einustu stöðu,
sem er geggjað.
Á sama tíma kosta samningarnir
alltaf eitthvað og innkoman er ekki
eins og hún á að sér að vera. Þetta
hefur sennilega aukið á stressið hjá
mér undanfarnar vikur því ég hef
unnið mikið í kringum fjármál fé-
lagsins og reiknað allt upp á nýtt.
Hvað sé best að gera og hvar við
getum sparað peninga. Að sama
skapi höfum við byggt félagið mjög
vel upp á undanförnum árum og við
munum komast í gegnum þetta á
góðan hátt.“
Elísabet hóf þjálfaraferil sinn ár-
ið 2001 og hefur alla tíð stýrt
kvennaliði. Hún ítrekar að það kitli
hana að koma að einhvers konar
þjálfun karlamegin einn daginn.
Karlaboltinn kitlar
„Ég get ekki sagt að það sé eitt
af markmiðum mínum að þjálfa
karlalið en vissulega hef ég áhuga á
því að skoða það. Ég hef fengið
starfstilboð frá karlaliði, undan-
farin þrjú ár, sem snúast ann-
aðhvort um að koma inn í þjálf-
arateymið eða koma inn sem
aðalþjálfari. Ég get alveg viður-
kennt að það kitlar mig að koma
inn í þjálfarateymi karlamegin þótt
það sé ekkert endilega aðalatriði
fyrir mig að vera aðalþjálfari.
Það er eitthvað spennandi við
það en ég finn það líka að þetta er
ekki eitthvað sem ég verð að gera
núna. Ég á ýmislegt eftir kvenna-
megin og mig langar að þjálfa
landslið einhvern tímann á ferl-
inum. Eins langar mig líka að
þjálfa lið sem spilar í Evrópu-
keppni því sá tími með Val heima
var alveg geggjaður og mögulega
einn af þeim skemmtilegustu á
þjálfaraferli mínum.“
Þarf að taka ákvörðun
Eftir tólf ár í Svíþjóð er Elísabet
orðin þekkt nafn í kvennaboltanum
en hún ætlar sér ekki að taka að
sér þjálfun stórliðs bara af því að
hún er kona.
„Ég hef verið í sambandi við lið í
stærri deildum Evrópu. Það er ein-
hvern veginn þannig að það eru það
fáar konur í þessu að ég hef stund-
um fengið beiðni um að lið vilji fá
konu til starfa. Mér líkar það ekk-
ert sérstaklega vel því þú vilt fá
eitthvað gott starf af því að þú ert
góður þjálfari, ekki af því að þú ert
kona.
Ég spyr því oft á móti hvað það
sé sem geri mig svona spennandi
og ef ég fæ svarið til baka um að ég
sé kona þá finnst mér það mjög
óspennandi. Ég tel að möguleik-
arnir séu miklir og ég held að þeg-
ar allt kemur til alls sé undir mér
sjálfri komið að taka ákvörðun um
að gera og prófa eitthvað annað.
Þegar það gerist bara gerist það en
ég verð ekki hér næstu 25 árin, það
er alveg klárt,“ bætti Elísabet við í
samtali við Morgunblaðið í gær.
af því að hún er kona
Ljósmynd/Kristianstads DFF
Farsæl Elísabet Gunnarsdóttir hefur fengið margvíslegar viðurkenningar í Svíþjóð fyrir störf sín.
ÍÞRÓTTIR 63
MORGUNBLAÐIÐ FIMMTUDAGUR 4. JÚNÍ 2020
Íþróttasíður Morgunblaðs-
ins hafa undanfarnar vikur
verið fylltar skemmtilegum
viðtölum við knattspyrnumenn
og -konur sem eru farin að
horfa til Íslandsmótsins sem
hefst bráðlega. Leikmenn hafa
þar verið fengnir til að spá og
spekúlera um sín eigin lið og
önnur eins og tíðkast hefur í
aðdraganda nýs móts.
Upphitun með slíku móti er
flestum áhugamönnum íþrótta
vel kunn og hún stendur fyrir
sínu. Það er áhugavert að
heyra í keppendum hljóðið áð-
ur en sparkað er í bolta og
átta sig á hvaða væntingar
menn hafa til sín sjálfs og
liðsins. Gaman getur líka verið
að rýna í þessa umfjöllun eftir
á, sjá hverjir voru spávísir og
skemmta sér yfir hverjir voru
úti á þekju. Slík gleði er
gjarnan kennd við Þórð nokk-
urn.
Hins vegar hefur ekki ver-
ið síður skemmtilegt að kynn-
ast öðrum hliðum knatt-
spyrnufólksins sem við
fylgjumst með úr fjarlægð,
jafnvel árum saman. Ingibjörg
Valgeirsdóttir, markvörður KR,
er byrjuð að banka á dyr ís-
lenska landsliðsins, jafnvel
þótt hún hafi aldrei ætlað sér
að verða markvörður. Hún var
bara „latur útileikmaður sem
fór í mark“, eins og hún sjálf
orðaði það. Hallgrímur Mar
Steingrímsson, leikmaður KA,
elti kærustuna til Hollands í
vetur og lenti í smáklípu þeg-
ar hann var fullbráður á sér á
Twitter.
Skemmtilegar sögur frá
áhugaverðu knattspyrnufólki
okkar hafa aukið við skemmt-
anagildi þessa árlega dag-
skrárliðar. Það skal þó segjast
að ekkert jafnast á við alvöru-
hlutinn; fótboltann sjálfan.
Upphitunin stendur gjarnan
fyrir sínu en nú má blessaði
boltinn fara aftur að rúlla!
BAKVÖRÐUR
Kristófer
Kristjánsson
kristoferk@mbl.is
Sara Björk Gunnarsdóttir og stöllur
í meistaraliði Wolfsburg eru komnar
í undanúrslit þýsku bikarkeppninnar
en þær þurftu ekki að hafa mikið
fyrir sigrinum í 8-liða úrslitunum í
gær. Wolfsburg mætti B-deildarliði
Gütersloh á útivelli og vann 3:0-sigur
þótt íslenski landsliðsfyrirliðinn væri
hvíldur ásamt fleiri leikmönnum.
Sandra María Jessen er einnig
komin áfram í undanúrslit með
Bayer Leverkusen eins og Morgun-
blaðið greindi frá í gær. Sandra og
Sara mætast ekki í undanúrslitum og
gætu því mæst í bikarúrslitaleiknum
sjálfum, en hann er ekki á dagskrá
fyrr en í byrjun júlí. Wolfsburg mæt-
ir Bielefeld og Leverkusen leikur
gegn Essen í undanúrslitum.
Wolfsburg hefur orðið þýskur
bikarmeistari síðustu þrjú ár í röð
með Söru Björk innanborðs og
stefnir hún að því að fagna titlinum
fjórða árið í röð áður en hún rær á
önnur mið. Sara hefur gefið út að
hún mun yfirgefa félagið að tíma-
bilinu loknu. Leverkusen hefur aldr-
ei komist í úrslit en Sandra María
hefur spilað með liðinu síðan í jan-
úar 2019.
Sara og Sandra gætu
mæst í bikarúrslitaleiknum
Ljósmynd/Þórir Tryggvason
Þýskaland Sandra og Sara eigast við í leik Þórs/KA og Wolfsburg.
bóka hótel og slíkt fyrir hugs-
anlega keppendur. Við göngum
bara inn í þann pakka sem er
tilbúinn. Flugmál eru auðvitað í
óvissu en ég veit aldrei fyrr en
nokkuð seint hverjir eru að
tryggja sig inn á leikana hvort eð
er. Slík mál fara alltaf seint af
stað,“ segir Andri og bætir við að
staðan geti verið talsvert snúnari
fyrir stærri þjóðir sem taki mun
fleiri keppendur á leikana.
„Fyrir stórþjóðir sem vita að
þær eru að fara á leikana með 500
manns er þetta kannski önnur
staða. Þar er jafnvel búið að panta
mjög mikið í kringum þetta og
þær lenda í vandræðum núna.
Fyrir litla Ísland er staðan miklu
þægilegri og við verðum fyrir
minna raski.“
Teiknum upp allar sviðsmyndir
„Það má segja sem svo að gagn-
vart Tókýó hafi ekki neitt brunnið
inni sem fallinn kostnaður hjá
okkur. Helsta óvissan er að í
mörgum íþróttagreinum er búið
að slaufa tímabilinu sem gildir inn
á Ólympíuleikana.
Fyrir vikið er þá búið að lengja
vortímabilið. Í mörgum greinum
gæti síðasti séns til að tryggja sig
inn á leikana verið seint í júní.
Við gætum því þurft að bíða fram
í byrjun júlí til að sjá hvernig
endanlegi hópurinn verður,“ sagði
Andri. Það gæti því orðið nokkuð
knappur tími sem gefst til að
binda enda á allan lokafrágang
fyrir leikana sjálfa, en hjá ÍSÍ er
verið að undirbúa allar mögulegar
sviðsmyndir.
„Við erum að teikna upp allar
sviðsmyndir. Sem dæmi þurfum
við að panta fatnað inn tveimur
árum fyrir leika og þar þurfum
við að gera ráð fyrir öllum stærð-
um, hvort við náum inn t.d. hand-
boltaliði eða ekki. Við gerum bara
ráð fyrir að allt verði á tíma og
skipuleggjum okkur eftir því. Svo
sjáum við til.“ Leikarnir eiga sam-
kvæmt nýrri áætlun að hefjast 23.
júlí á næsta ári og er alveg ljóst
að þeim verður ekki frestað aftur,
sama hvað gerist.
„Það er ekki hægt að fresta
þeim lengra. Þetta eru gríðar-
legar upphæðir sem þetta kostar
og ýmsar aðlaganir sem munu
þurfa að eiga sér stað. Svo er
spurning hver á að bera fjárhags-
lega kostnaðinn. Er það Tókýó
eða Alþjóðaólympíunefndin sem
er búin að leggja ákveðna fjár-
muni til hliðar? Þetta verður
rætt,“ sagði Andri við Morgun-
blaðið.
Ljósmynd/ÍSÍ
Afrekssviðið Örvar Ólafsson og Andri Stefánsson, starfsmenn afrekssviðs
Íþrótta- og ólympíusambands Íslands, með kyndilinn á milli sín.