Morgunblaðið - 04.06.2020, Blaðsíða 68

68 MENNING
MORGUNBLAÐIÐ FIMMTUDAGUR 4. JÚNÍ 2020
Helgi Snær Sigurðsson
helgisnaer@mbl.is
Tónlist Kjartans Sveinssonar við
stuttmynd Rúnars Rúnarssonar,
Síðasti bærinn, hefur nú loksins
verið gefin út, 16 árum eftir að
myndin var frumsýnd. Hún segir af
bónda í fjarlægum dal sem býr á
eina bænum sem finna má í daln-
um. Hann reynir að viðhalda
draumum sínum þrátt fyrir allar
breytingarnar í sveitinni, eins og
segir í lýsingu á vefnum Kvikmynd-
ir.is, en bóndinn er ekkill og er við
það að missa bæinn, sjálfstæðið og
sjálfsvirðinguna.
Kjartan er önnum kafinn í hljóð-
veri þegar blaðamaður nær tali af
honum en tekur sér stutt hlé til að
fræða lesendur um tónlistina. Hvað
er hann að gera í hljóðveri? „Ég er
að taka upp með Skúla Sverris-
syni,“ svarar Kjartan og bætir við
að Birgir Jón Birgisson stjórni
upptökum. „Þetta er samstarfs-
verkefni, við erum búnir að vinna
að þessu í nokkur ár,“ segir Kjart-
an um þessar upptökur og við lát-
um það gott heita og snúum okkar
að Síðasta bænum.
Hvað kemur til að fyrst núna er
verið að gefa tónlistina út, 16 árum
eftir að myndin kom út? „Ég fót-
brotnaði um daginn og sat voða
mikið heima í sófanum akkúrat í
COVID og það var ekkert að gera.
Mér fannst bara voða sniðugt að
gefa eitthvað út í ástandinu, það
var svolítið pælingin,“ útskýrir
Kjartan. Í kófinu sé fólk ef til vill
að leita inn á við og líka að ein-
hverju nýju. „Svo stendur til hjá
mér að gefa út svolítið af „sound-
track“-músík á næstu mánuðum,“
bætir Kjartan við og á þar við kvik-
myndatónlist.
Væri líklega mínímalískari
–Voru þessar upptökur til og til-
búnar til útgáfu?
„Já, en ég þurfti reyndar eitt-
hvað að mixa og mastera og svo-
leiðis en jú jú, þetta er bara úr
myndinni,“ svarar Kjartan.
Tónlistin er flutt af strengja-
Gaman að gera bíó öðru hvoru
 Kjartan Sveinsson gefur út tónlist sem hann samdi við stuttmyndina Síðasti
bærinn árið 2004  Fékk þá hugmynd þegar hann var fótbrotinn heima í ḱófinu
Ljósmynd/Helen Best
Virðulegur Kjartan segir gott að geta af og til samið tónlist við kvikmyndir.
kvartett og Kjartan segir hana of-
boðslega dæmigerða kvikmynda-
tónlist. „Það er fyndið að skoða
þetta 16 árum síðar,“ segir hann og
er beðinn um að fara nánar út í þá
sálma. „Það er voða gott að fá
svona fjarlægð og það er kannski
líka þess vegna sem ég er að gefa
þetta út, af því það er komin fjar-
lægð á þetta. Ég hefði líklega
aldrei verið sáttur við að gefa þetta
út fyrir 16 árum en núna er þetta
bara fínt,“ segir Kjartan kíminn.
Hann er spurður að því hvað
hann hefði gert öðruvísi fengi hann
þetta verkefni í dag og segir hann
tónlistina mögulega hafa orðið
mínímalískari með árunum. „En ég
held að þetta sé alveg rétt músík
fyrir þessa mynd á þeim tíma sem
hún var gerð. Það breytist alltaf
allt í öllu samhengi og það myndi
örugglega enginn gera svona mynd
í dag og enginn gera svona músík
við svona mynd í dag. Allt breytist í
samhengi og tíma.“
Vínyll seinna
Kjartan er spurður að því hversu
mörg kvikmyndaverkefnin hafi ver-
ið hjá honum á þeim 16 árum sem
liðin eru frá Síðasta bænum og seg-
ir hann þau ekki svo mörg, líklega
um sex talsins. „Mér finnst gaman
að gera bíó öðru hvoru en myndi
ekki vilja hafa það að atvinnu,“
segir hann, „en það er voða gaman
að gera eina og eina mynd.“
Platan er eingöngu gefin út staf-
rænt og segir Kjartan að hann
muni halda áfram að gefa út kvik-
myndatónlist og setja svo saman á
vínyl síðar. Hann er að lokum
spurður að því hvernig hann hafi
fótbrotnað. „Ég rann bara á klaka,
það var ekki flóknara,“ svarar hann
kíminn og snýr sér aftur að upptök-
unum með Skúla og Birgi.
Bóndi Jón Sigurbjörnsson í Síðasta
bænum, stuttmynd Rúnars Rúnars.
Söngkonan Silja
Elísabet Brynj-
arsdóttir hefur
verið útnefnd
bæjarlistamaður
Vestmannaeyja
árið 2020. Silja
hóf 11 ára gömul
söngnám við
Tónlistarskóla
Vestmannaeyja
auk þess að ljúka
1. stigi í píanónámi en árið 2011 hóf
hún nám við Söngskólann í Reykja-
vík og lauk hún framhaldsprófi
þaðan árið 2013 með hæstu ein-
kunn. Í janúar 2015 lauk hún 8.
stigi í söng með hæstu einkunn
allra og hóf um haustið nám við
Royal Academy of Music í London
sem hún lauk fjórum árum síðar. Í
fyrrahaust hóf hún sérnám við skól-
ann í óperusöng. Á vefnum Eyj-
ar.net segir að skilyrði fyrir nám-
inu sé meistaragráða sem Silja hafi
ekki verið með en hlotið undan-
þágu. Silja hefur tekið þátt í fjölda
ópera og tónleika í náminu.
Silja Elísabet
bæjarlistamaður
Silja Elísabet
Brynjarsdóttir
Stjórn Listahátíð-
ar í Reykjavík
samþykkti ein-
róma að endur-
ráða Vigdísi Jak-
obsdóttur í starf
listræns stjórn-
anda Listahátíðar
í Reykjavík til
næstu fjögurra
ára, til 30. sept-
ember 2024, en
samkvæmt skipulagsskrá Listahá-
tíðar í Reykjavík er stjórn heimilt að
endurrráða listrænan stjórnanda
einu sinni í allt að fjögur ár án aug-
lýsingar.
„Á fimmtíu ára afmæli Lista-
hátíðar tökumst við á við fordæma-
lausar aðstæður í sögu hátíðarinnar
og munum teygja úr afmælis-
hátíðinni yfir heilt ár. Það kallar á
endurhugsun og endurskipu-
lagningu en opnar líka nýja mögu-
leika í starfseminni sem verður gam-
an að fá tækifæri til að fylgja eftir,“
er haft eftir Vigdísi í tilkynningu.
Vigdís áfram list-
rænn stjórnandi
Vigdís
Jakobsdóttir
Laugardaginn 23. maí var opnuð
sýning á verkum Einars Þorsteins í
Galleríi Úthverfu á Ísafirði og er
hún jafnframt fyrsta sýningin í sýn-
ingaröðinni Ferocious Glitter II í
galleríinu og lýkur 22. ágúst. Er
það röð stuttra sýninga og fram-
hald sýningar sem fram fór í fyrra-
sumar. Listamennirnir sem sýna í
röðinni eiga sér allir tengingu við
menningar- og myndlistarsögu
bæjarins, að því er fram kemur í til-
kynningu, en sýningarstjóri er Ga-
vin Morrison. „Auk sýninga með
verkum Donald Judd, Peter
Schmidt, Einars Þorsteins, Sólons
Guðmundssonar og fleiri lista-
manna sem tengjast myndlistar-
sögu staðarins verða sýnd verk
samtímalistamanna, bæði íslenskra
og erlendra,“ segir í tilkynningu.
Einar Þorsteinn (1942-2015) arki-
tekt var frumkvöðull í notkun fjöl-
liða geometrískra mannvirkja og
vann náið með listamanninum Ólafi
Elíassyni að ýmsum verkefnum.
Arkitekt Einar Þorsteinn með módel.
Verk Einars sýnd í
Galleríi Úthverfu
Solveig Thoroddsen opnar í dag kl.
17 myndlistarsýninguna Mér er um
og ó í Galleríi Gróttu á 2. hæð Eiðis-
torgs á Seltjarnarnesi. Segir hún í
tilkynningu að íslensku þjóðsög-
urnar hafi fylgt henni allt frá því
hún var lítil stúlka. „Sem fullorðinn
myndlistarmaður hefur myndlist
mín gjarnan haft femínískar tilvís-
anir og hef ég einblínt á þau sjónar-
horn, út frá mér sem konu. Í ís-
lensku þjóðsögunum má alveg
fullyrða að hlutur kvenpersóna er
áberandi. Þær eru ástsjúkar, tryllt-
ar, dulmagnaðar, örvæntingar-
fullar, blíðar,
sterkar, klókar
og úrræðagóðar.
Þær eru ger-
endur og miklir
örlagavaldar, í
eigin lífi og ann-
arra. Þær birtast
einnig sem
fórnarlömb þjóð-
félagslegra að-
stæðna og viðmiða, en undantekn-
ingarlaust bregðast þær við þeirri
stöðu sinni á áhrifaríkan hátt,“
skrifar Solveig m.a. í tilkynningu.
Hún fjalli í verkum sínum um
nokkrar af þekktustu þjóðsög-
unum. Verkefnið er styrkt af Mynd-
listarsjóði.
Hlutur kvenper-
sóna áberandi
Solveig Thoroddsen