Heilbrigðisskýrslur - 01.12.1904, Blaðsíða 26

1901
24
inginn. Fractura hvorki á höfði eða útlimum. Drengurinn kom aldrei til meðvitund-
ar, en dó að stundu liðinni, að ætlan minni af compressio cerebrL
Keflavíkurhérað: Maður einn í Grindavík hljóp með hlaðna byssu í hendinni
yfir grjótgarð; en um leið og hann stökk yfir, reið skotið af byssunni; fór það inn i
hægra lærið innanvert, fyrir neðan smáþarmana, lítið eitt á ská upp og lítið eitt út
á við, en kom hvergi út aftur. Eftir stefnu skotsársins að dæma, er ég kannaði það,
er eflaust, að skotið hefur farið inn í mjaðmarholið. í byssunni voru ferskeytt, slegin
blýstykki, en engin högl, og marhálmur sem forhlað.
VI. Ýmislegt.
1. Skottulæknar.
Nokkrir héraðslæknanna geta skottulækna í héruðum sínum. Telja flestir
skottulækningar fara þverrandi. í skýrslu úr Akureyrarhéraði er þess getið, að mað-
ur, er fékkst við skottulækningar, hafi flutt barnaveiki á heiinili sitt, og hafi hún
orðið sumum af börnum hans að fjörtjóni.
2. Sjúkrahús.
Þau voru starfrækt í 5 héruðum, eins og árið áður, en engin ný bættust við.
Skal um rekstur þeirra vísað til skýrslunnar um sjúkrahús, en annars eru skýrslur
héraðslæknanna um þau næsta ófullkomnar, neina skýrslan úr Akureyrarhéraði.
3. Húsakynni og þrifnaður.
Læknar láta þessa getið:
Skipaskagahérað: Byggingum hefur mikið fjölgað; eru menn almennt komnir á
þá skoðun, að byggja skuli rúmbetri og bjartari híbýli en menn hingað til hafa átt
við að búa. Þrifnaður er eins og að undanförnu á misjöfnu stigi. Sums staðar er
óþrifnaður á háu stigi, enda þrífst kláðinn vel á slíkuin stöðum. Samfara þessu er
illur og' tötralegur klæðnaður. Þó fer þrifnaður yfirleitt vaxandi.
Borgarfjarðarhérað: Svo er að sjá sem híbýli manna hafi enn engan rétt á séi
fyrir hrákunum. Flestir hrækja frá sér, þar sem þeir eru komnir, og þó að hráka-
dallar séu fyrir höndum, nota menn þá ekki néma endrum og eins. Þarf víst að lesa
yfir landanuin lengi um það efni.
Ólafsvíkurhérað: Húsakynni eru hér víða mjög ófullkomin og sums staðar að
heita má óbyggileg mennskum mönnum, en mér er óhætt að fullyrða, að smekkur
manna hér fyrir góðum húsakynnum hefur mikið vaxið þessi síðustu ár. Þrifnaður
manna á meðal virðist og vera að færast í vöxt, þótt enn sé mikið ábótavant í því
efni. Það er sérstaklega í sjóplássunum, að margir eru tregir til að framfylgja eða
hlýðnast ýmsum þrifnaðarreglum.
Nauteyrarhérað: Þótt húsakynni hér séu víða dágóð og sums staðar enda ágæt
og yfirleitt betri en í þeim sveitum, sem ég er kunnugur á Suðurlandi, j>á eru húsa-
kynni sums staðar og íbúð óbrúkandi. Hræddur er ég uin, að vatnsból séu sums