Rit Mógilsár - 2013, Qupperneq 10

10 Rit Mógilsár 27/2012

marktækt betri en viðmið, auk
Grósku, Flex og Spretti á yfirborð en
meðferðin Flex var þó marktækt
verri en allir meðferðarliðir nema
Sprettur á yfirborð.
Í sitkagreni voru meðferðarliðirnir
Sprettur í holu, Flex og Sprettur á
yfirborð með marktækt verri lifun en
SilvaPac (2. mynd). Sprettur á
yfirborð hafði marktækt verri áhrif á
lifun en viðmið, Gróska og SilvaPac.
Hæð plantna á Norðurlandi
Á Norðurlandi var áborið birki
marktækt hærra en viðmið í öllum
meðferðarliðum nema hvað ekki var
marktækur munur milli viðmiðs og
Flex (3. mynd). Hæð plantna sem
fengu Grósku var marktækt betri en
hjá viðmiði, Spretti og Flexi.
Áburðargjöf jók ekki hæð lerkis og
meðferðarliðir sem fengu Sprett og
Flex voru marktækt lægri en aðrir
meðferðarliðir. Hjá stafafuru og
sitkabastarði voru allir meðferðarliðir
sem fengu áburð marktækt hærri en
viðmið sem fékk engan áburð (3.
mynd).
Hæð plantna á Austurlandi
Hjá birki á Austurlandi voru allir
áburðarliðir nema Sprettur marktækt
hærri en viðmiðið (4. mynd).
Hjá lerkinu var ekki marktækur
munur milli hæðar viðmiðs og
Blákorns á yfirborð. Annars voru
ábornu meðferðirnar hærri. Sprettur
á yfirborð og SivaPac voru marktækt
hærri en allir meðferðarliðir fyrir
utan Flex (4. mynd).
2. mynd. Lifun plantna á Austurlandi. Súlur sýna meðaltöl og lóðréttar línur
staðalskekkju. Sömu bókstafir ofan við súlur sýna ómarktækan mun á meðferðum
p>0,05.