Rit Mógilsár - 2013, Qupperneq 23

Rit Mógilsár 27/2012 23

ríkisins í ríkiseign. Sú einföldun er
einnig gerð að allir landgræðslu-
skógar séu á vegum skógræktar-
félaganna, en eignarhald á milli
skógræktarfélaga og sveitarfélaga
getur stundum verið óljóst.
Eignarhald birkilendis á
Íslandi
Landfræðilegur gagnagrunnur fyrir
birkilendi á Íslandi byggir á tveimur
birkiúttektum, frá 1972-1975 (Snorri
Sigurðsson og Hákon Bjarnason
1977) og 1987-1991 (Ása Aradóttir
o.fl. 2001). Í tengslum við þá vinnu
var eignarhald birkilendis metið, og
reyndist birkilendi á landi ríkisins
23% en birkilendi á öðru landi 77%
(Landbúnaðarráðuneytið 1986). Árið
2010 hófst endurkortlagning birki-
lendis á Íslandi og lýkur þeirri vinnu
árið 2014. Eignarhald birkilendis á
Íslandi er ekki skráð, hvorki í
gagnagrunni Íslenskrar skógar-
úttektar eða í landfræðilegum
gagnagrunni fyrir birki á Íslandi.
Með því að nota landfræðilegan
gagnagrunn fyrir birki á Íslandi má
skipta eignarhaldi birkilendis í tvo
flokka með landfræðilegum grein-
ingum:
 Birkilendi á landi í ríkiseigu
 Birkilendi á öðru landi
Þetta er gert með því að nota
landamerkjaþekju og upplýsingar um
jarðir í ríkiseigu. Þá er gerð land-
fræðileg greining þar sem athuguð
er skörun á milli bújarða í ríkiseigu
og náttúrulegs birkilendis. Það birki-
lendi sem lendir innan bújarða í
ríkiseigu er flokkað sem birkilendi í
landi ríkisins, birkilendi sem lendir
fyrir utan er flokkað sem birkilendi á
öðru landi.
Niðurstöður
Ræktaðir skógar á Íslandi eru að
mestu leyti í eigu einkaaðila eða rúm
60%. Rúm 10% eru í eigu ríkisins og
20% í eigu skógræktarfélaga (1.
tafla). Lítill hluti er í eigu sveitar-
félaga. Hlutfallsleg skipting eignar-
halds er mjög svipuð fyrir niður-
stöður úr landsskógarúttekt og land-
fræðilega gagnagrunninum. Hins
vegar eru allar tölur fyrir flatarmál
eignarflokka mun hærri samkvæmt
Eignarhald ræktaðs skóglendis
Flatarmál
ha
Öryggismörk
95%
Hlutfall
%
Landsskógarúttekt
Skóglendi á vegum ríkisins 4.400 +/- 900 ha 12
Skóglendi á vegum skógræktarfélaga 7.100 +/- 1.100 ha 20
Skóglendi á vegum einkaaðila 22.600 +/- 1.600 ha 63
Skóglendi á vegum sveitarfélaga 2.000 +/- 600 ha 6
Samtals 36.200 +/-1.600 ha 100
Landfræðilegur gagnagrunnur
Skóglendi á vegum ríkisins 6.200 13
Skóglendi á vegum skógræktarfélaga 11.500 24
Skóglendi á vegum einkaaðila 28.800 61
Skóglendi á vegum sveitarfélaga 800 2
Samtals 47.300 100
1. tafla. Eignarhald ræktaðs skóglendis samkvæmt landsskógarúttekt