Rit Mógilsár - 2013, Qupperneq 71

Rit Mógilsár 27/2012 71

Ef að 11. mynd er skoðuð sést vel
hvernig sænsku úrvalseinstaklingar-
nir raða sér í efstu sætin.
Helstu niðurstöður eru að afföllin
urðu meiri á rýru landi en grónu. Það
var misjafnt eftir staðsetningu hvaða
kvæmi komu best út. Ef allir
staðirnir eru teknir saman eru það
kvæmin Hemnes og Frosta frá
Þrándheimi sem raða sér í efstu
sætin og kvæmið Pudasjärvi frá
Finnlandi sem er norðaustan við
Oulu var í þriðja sæti. Þessi kvæmi
voru þó ekki tölfræðilega frábrugðin
næstu 6 kvæmum sem að á eftir
komu.
Sænsku úrvalseinstaklingarnir sýna
ótrúlega yfirburði í vexti í tilrauninni
á Sturluflöt og undirstrika þannig að
ræktunin byggir ekki bara á réttu
kvæmavali heldur ekki síður á að
velja úrvalseinstaklinga til fram-
ræktunar.
Hugsanlega getum við nýtt þessa
kvæmatilraun til að velja úrvals-
einstaklinga til fræræktar fyrir
íslenskar aðstæður. Íslensku
kvæmin sýna í þessari tilraun góða
lifun en þar sem þau eru framleidd
og gróðursett seinna en hin kvæmin
er ekki hægt að bera saman lifun og
hæð með beinum hætti. Engu að
síður er hér jákvæð vísbending um
aðlögun eftir eina kynslóð hérlendis.