Morgunblaðið - 03.06.2021, Side 34

MORGUNBLAÐIÐ FIMMTUDAGUR 3. JÚNÍ 2021
Eltak sérhæfir sig í sölu
og þjónustu á vogum
Bjóðum MESTA úrval
á Íslandi af smáum
og stórum vogum
rnin að
þig?
Eru frjóko
fara með
Útsölustaðir: Apótek, heilsuverslanir og heilsuhillur stórmarkaðanna
Nefsíflur loksins horfnar!
Frá unga aldri hef ég átt við
vandamál í öndunarfærum að
stríða sem lýsti sér m.a í stífluðu
nefi. Eftir að hafa notað Ginger,
Turmeric & Bromelain í rúma viku
fann ég greinilegan mun á mér og eftir
mánuð voru netstíflurnar horfnar“.
Þrymur Sveinsson
Ginger, Turmeric & Bromelain
Afurðaverð á markaði
1. júní 2021, meðalverð, kr./kg
Þorskur, óslægður 414,88
Þorskur, slægður 336,97
Ýsa, óslægð 446,76
Ýsa, slægð 332,14
Ufsi, óslægður 121,03
Ufsi, slægður 146,44
Gullkarfi 220,02
Blálanga, óslægð 50,00
Langa, óslægð 260,37
Langa, slægð 162,00
Keila, óslægð 35,50
Keila, slægð 60,82
Steinbítur, óslægður 27,33
Steinbítur, slægður 126,03
Skötuselur, slægður 729,00
Grálúða, slægð 223,44
Skarkoli, slægður 401,23
Þykkvalúra, slægð 531,72
Langlúra, óslægð 212,12
Sandkoli, óslægður 158,00
Bleikja, flök 1.456,08
Regnbogasilungur, flök 3.176,00
Hlýri, óslægður 58,19
Hlýri, slægður 92,17
Kinnfiskur/þorskur 1.050,00
Lúða, slægð 909,13
Lýsa, óslægð 36,44
Lýsa, slægð 35,00
Undirmálsýsa, óslægð 13,00
Undirmálsþorskur, óslægður 201,18
Undirmálsþorskur, slægður 239,00
Gunnlaugur Snær Ólafsson
gso@mbl.is
Heildarfjárfestingar í fiskveiðum og
fiskvinnslu, þjónustu við fiskveiðar
og fiskeldi á árunum 2008 til 2019
námu 236 milljörðum króna. Þetta
kemur fram í skýrslu um stöðu og
horfur í íslenskum sjávarútvegi og
fiskeldi. Þar segir að mest hafi verið
fjárfest í bátum og skipum eða fyrir
um 108 milljarða króna. Næstmest
hefur verið fjárfest í fiskvinnslu og
nema fjárfestingarnar 97 millj-
örðum. Í fiskeldi hefur verið fjárfest
fyrir 25 milljarða á tímabilinu og 6
milljarða í fjölbreyttri þjónustu við
fiskveiðar.
Töluverða sveiflu er að finna í
fjárfestingum milli ára en það kann
að skýrast af því að stök verkefni
kunna að vera fyrirferðarmikil og
skipt mörgum milljörðum. Til að
mynda var fjárfest fyrir 105 millj-
arða bara á árunum 2015 til 2017,
þar af var fjárfest í nýjum skipum
fyrir 54 milljarða króna. Stöðugri
þróun hefur verið í fiskvinnslunum
og hefur verið fjárfest fyrir 11 til 14
milljarða á hverju ári á tímabilinu
2015 til 2019.
Auka hagkvæmni
„Líkt og í öðrum atvinnugreinum
ráðast fjárfestingar í sjávarútvegi af
framtíðarhorfum og væntum ávinn-
ingi, en einnig af afkomu undanfar-
inna ára. Þær fjárfestingar sem ráð-
ist hefur verið í á undanförnum
árum hafa verið nauðsynlegar vegna
þess hve fiskiskipastóllinn var orð-
inn gamall, en auk þess hafa þær
gert fyrirtækjum mögulegt að inn-
leiða nýja tækni og skipulag um borð
í skipunum og draga úr eldsneytis-
notkun.
Nýju skipin eru í mörgum til-
vikum öflugri en hin eldri og því hef-
ur einnig verið hægt að sameina
aflaheimildir á færri skip og þannig
auka enn fremur hagkvæmni við
veiðarnar,“ segir í skýrslunni.
Töluvert hefur verið fjárfest í fisk-
eldi hér á landi á undanförnum árum
og hafa þær vaxið ört. Á árunum
2008 og 2009 voru fjárfestingar í
greininni einungis 600 milljónir
króna en tvöfölduðust síðan í 1,1 til
1,4 milljarða árin á eftir. Náðu fjár-
festingar í greininni hámarki 2017 er
fjárfest var fyrir 6,8 milljarða króna,
en 2018 námu fjárfestingar 3,5 millj-
örðum og 2,7 milljörðum árið 2019.
Benda skýrsluhöfundar á að fisk-
eldi sé fjármagnsfrek atvinnugrein
enda kostnaðarsamt að byggja upp
innviðina og biðin eftir afköstum
löng. Það tekur um tvö til þrjú ár
fyrir eldislax í sjókví að ná slátur-
stærð.
Jákvæð aðkoma Norðmanna
„Aðkoma norskra fjárfesta hefur
því verið mikilvæg en áhugi inn-
lendra fagfjárfesta á fiskeldi hefur
farið vaxandi, svo sem glöggt kom
fram í hlutafjárútboði Iceland Sal-
mon AS, móðurfélags Arnarlax í
október 2020, en félagið er skráð á
hlutabréfamarkaði í Noregi (marg-
föld eftirspurn var í hlutafjárútboði
Arnarlax 2020). Norska fjárfestinga-
félagið Måsøval Eiendom AS á ráð-
andi hlut í Ice Fish Farm AS, sem er
eignarhaldsfélag Fiskeldis Aust-
fjarða hf., og fyrirtækinu Laxar fisk-
eldi ehf. Ice Fish Farm AS er skráð
á hlutabréfamarkaði í Noregi. Þá á
norska fiskeldisfyrirtækið Norway
Royal Salmon ASA (NRS) helm-
ingshlut í Arctic Fish ehf. sem er
móðurfyrirtæki Arctic Sea Farm hf.
NRS er skráð á hlutabréfamarkaði í
Noregi,“ segir um fjárfestingar í
fiskeldi í skýrslunni.
Þá fylgi norska fjármagninu einn-
ig mikilvæg tækniþekking og
reynsla af eldisstarfsemi sem
skýrsluhöfundar telja nýtast við
uppbyggingu greinarinnar hér.
Fjárfest fyrir 236 milljarða króna
- Fjárfest hefur verið fyrir 236 milljarða í sjávarútvegi og fiskeldi á áratug - Tæp 87% af fjárfest-
ingunum í skipum og fiskvinnslu - Ör vöxtur í fiskeldinu - Þekking norskra fjárfesta sögð nýtast vel
Morgunblaðið/Kristinn Magnússon
Hafnarfjarðarhöfn Gríðarlegar fjárfestingar í skipakosti hafa átt sér stað á undanförnum árum. Því hafa einnig fylgt fjárfestingar í búnaði um borð.