Morgunblaðið - 03.06.2021, Side 73

MENNING 73
MORGUNBLAÐIÐ FIMMTUDAGUR 3. JÚNÍ 2021
Nánari upplýsingar um sýningartíma á sambio.is
TRYGGÐU ÞÉR
MIÐA INNÁ
SÝND MEÐ
ÍSLENSKU TALI.
SÝND MEÐ ÍSLENSKU TALI
THE WASHINGTON POST
ROGEREBERT.COM
TOTAL FILM
USA TODAY
THE SEATTLE TIMES
THE GUARDIAN
GEGGJAÐ FRAMHALD AF EINUM ÓVÆNTASTA
SPENNUÞRILLER SÍÐUSTU ÁRA
HROLLVEKJANDI SPENNUMYND
THE WRAP FILM
SÝNDMEÐ ÍSLENSKU TALI
Kristín Heiða Kristinsdóttir
khk@mbl.is
„Við erum mjög spennt en líka svolít-
ið stressuð, því þetta er eiginlega
frumsýningin okkar sem listrænir
stjórnendur,“ segja þau Pétur
Ármannsson og Brogan Davison og
eiga þar við Vorblót, sameiginlega
hátíð Tjarnarbíós og Reykjavík
Dance Festival sem hefst í dag
fimmtudag og stendur alla helgina.
Pétur og Brogan eru nýráðnir list-
rænir stjórnendur Reykjavík Dance
Festival, en þau hafa bæði verið
starfandi sem sjálfstæðir listamenn
undanfarin tæp tíu ár.
„Í okkar listræna ferli höfum við
lagt áherslu á að vera aðgengileg og
reynt að koma samtímalistum nær
áhorfendum. Það höfum við gert með
því að ferðast um landið og sýna á
óhefðbundnum stöðum, en líka með
því að vinna með fólki sem er ekki
endilega þjálfaðir listamenn. Áhersl-
an hjá okkur hefur því verið á að vera
aðgengileg og vera með húmor. Við
viljum líka vera berskjölduð og
mannleg. Okkur finnst mjög spenn-
andi að taka okkar fyrstu skref í því
verkefni að verða listrænir stjórn-
endur, með þessi gildi í huga,“ segir
Pétur og Brogan bætir við að fyrsta
verkefnið sem hún og Pétur unnu
saman hafi verið dansverkefni sem
varð til þegar faðir Péturs, Ármann
Einarsson á Akureyri, sagði henni að
hann hefði alið með sér þann draum í
fimmtán ár að dansa samtímadans á
sviði.
„Hann hafði aldrei dansað sam-
tímadans áður, þessi þriggja barna
faðir og skólastjóri tónlistarskóla, en
þar sem ég starfaði þá sem danshöf-
undur sá hann tækifæri til að láta
draum sinn rætast. Við settum upp
sýningu þar sem Ármann lét draum-
inn rætast og enduðum á að ferðast
með sýningu árum saman út um allan
heim. Spurningar sem sýningin vakti
voru: Er dans raunverulega fyrir
alla? Eða aðeins fyrir fólk sem hefur
lært að dansa og þjálfað sig í því?
Hver má dansa á sviði? Við komumst
að því að dans snýst ekki síður um til-
finningu heldur en hvernig hann lítur
út fyrir þá sem horfa. Þessar spurn-
ingar hafa áhrif á hvernig við nálg-
umst þessa danshátíð núna, næstum
tíu árum síðar.“ Pétur bætir við að
þau vilji með einhverjum hætti sanna
að dans sé fyrir alla, að hann sé lýð-
ræðislegur.
Ballettsæringar og öskurópera
Þótt danshátíðin standi aðeins í
fjóra daga er dagskráin fjölbreytt.
„Á hátíðinni fá listamennirnir frelsi
til að kanna mismunandi leiðir til að
nálgast áhorfendur, því Covid lokaði
á það samband. Þetta er tækifæri til
að hittast aftur og sameinast og fyrir
vikið verða verkin á hátíðinni með
ólíku sniði, bæði tilbúnar sýningar en
líka verk í vinnslu. Í Júlíu-dúett Ernu
Ómarsdóttur og Höllu Ólafsdóttur,
sem er dansverk innblásið af hinum
klassíska ballett Rómeó og Júlía eftir
Prokofiev, fá áhorfendur að vera í
samtali við listamennina og fá að
heyra hvað hefur orðið til í ferlinu, til
dæmis ballettsæringar í bland við
dass af jazzballett, öskur-óperu og
hjartslætti. Í opnunarpartýinu í kvöld
verða nokkrir mismunandi listamenn
úr íslensku sviðslistasenunni með
styttri innslög og þau munu ræða sín
á milli og beint við áhorfendur um
það hvernig það er búið að vera að
starfa sem listamaður í þessu ástandi
og hvernig það hefur verið fyrir þau
sem manneskjur. Hvernig þau hafa
haldið sér á lífi, þegar klippt var á
þetta samband. Fyrir vikið verður
þetta allt mjög lifandi og spennandi.
Við viljum að danssenan og dansunn-
endur nái að tengjast að nýju á þess-
ari hátíð. Það verður líka DJ á opn-
unarhátíðinni og þá geta dansþyrstir
dansað.“
Börnum boðið að dansa
Steinunn Ketilsdóttir verður með
dansverk sem skapað er í rauntíma
en í verkinu eru allir þættir verksins,
hreyfingar, hljóð og ljós skapaðir í
augnablikinu og til verður einstök
sýning í hvert einasta skipti sem
verkið er flutt. Frumsýnt verður nýtt
dansverk Ragnheiðar Sigurðardóttur
Bjarnarson, þar sem hún er að vinna
með fólki sem er henni nákomið og
ekki allt dansarar.
„Við erum mjög spennt að sjá út-
komuna á því, þar sem líkamar af öll-
um aldri koma saman og hreyfa sig
eftir sínu náttúrulegu eðli. Hver og
einn líkami dansar sitt litróf, sínar til-
finningar og sín tengsl við fjölskyldu-
meðlimi.“ Á laugardaginn mun
Reykjavík Dance Festival bjóða öll-
um börnum að koma að dansa við
taktfasta tónlist DJ Ívars Péturs á
Dansverkstæðinu.
„Við eignuðumst nýlega okkar
fyrsta barn og það hefur verið okkur
mjög hugleikið hvernig við getum
sameinað það að vera foreldrar lítillar
stelpu og farið út og fengið útrás fyrir
að dansa. Líka hvernig hún getur
fengið útrás fyrir að dansa, því henni
finnst ekkert skemmtilegra en að
dansa.“ Nánar um vorblótið: reykja-
vikdancefestival.com/vorblot2021
Ljósmynd/Margrét Seema Takyar
Júlíudúett Erna Ómarsdóttir og Halla Ólafsdóttir flytja dansverk innblásið af klassíska ballettinum Rómeó og Júlíu.
Ljósmynd/Sigurður Þór Óskarsson
Listamenn Brogan og Pétur ásamt dóttur sinni, Írenu Ljósbjörgu.
Dans er fyrir alla, lýðræðislegur
- „Þetta verður allt mjög lifandi og spennandi,“ segja Pétur Ármannsson og Brogan Davison um
Vorblót, sameiginlega hátíð Tjarnarbíós og Reykjavík Dance Festival sem hefst í dag, fimmtudag