Múlaþing: byggðasögurit Austurlands - 01.01.2010, Síða 6
Kápumynd:
Listaverkið Bjólfur eftir Garðar Eymundsson, gert með olíupastellitum árið 2008. Ingimundarhús í forgrunni,
horft inn að kaupstaðnum Seyðisfirði. Listamaðurinn lætur landnámsmanninn Bjólf hvíla í klettunum hægra
megin við húsið, hægt er að greina útlínur hans þar ef vel er að gáð. Nökkvi landnámsmannsins er mótaður
í stein vinstra megin. I einkaeigu.
Garðar Eymundsson, listamaður og húsasmiðameistari, er borinn og bamfæddur Seyðfirðingur, f. 1926,
sonur hjónanna Sigurborgar Gunnarsdóttur og Eymundar Ingasonar. Eiginkona Garðars er Karólina Þor-
steinsdóttir, Austfirðingum vel kunn fyrir fréttapistla í Svæðisútvarpi Austurlands. Lengst af hefur Garðar
starfað sem húsasmíðameistari, bæði við byggingu húsa, sem og við tréverk og innréttingar í skipum sem
smíðuð voru hjá Vélsmiðju Seyðisfjarðar og Vélsmiðjunni Stál. Garðar hefur þroskað vel hæfileika sína til
listmálunar og síðustu árin hefur hann nær eingöngu starfað við listsköpun. Garðar og Karólína hafa alla tíð
lagt áherslu á vöxt lista- og menningarlífs á Seyðisfirði. Árið 1996 gáfu þau húsið Skaftfell til áhugahóps
um uppbyggingu menningarhúss og hefur sú gjöf síðan bæði vaxið og dafnað.
Ljósmynd: Pétur Sörensson.
Höfundar efnis:
Benedikt Gíslason frá Hofteigi, f. 1894 - d. 1989, rithöfundur og bóndi.
Bjami Gissurarson, f. 1621 - d. 1712, skáld og prestur í Þingmúla í Skriðdal.
Björn Andrésson frá Snotrunesi, Borgarfirði eystra, f. 1919 - d. 2007, bifreiðarstjóri.
Friðrik Einar Haraldur Guðmundsson, f. 1876 - d. 1958, bóndi í Firði, Seyðisfirði.
Gunnar Guttormsson, f. 1935, vélfræðingur, búsettur í Reykjavík.
Guðjón Friðriksson, f. 1945, rithöfundur og sagnfræðingur, búsettur í Reykjavík.
Guðný Zoega, f. 1969, fornleifafræðingur, deildarstjóri fomleifadeildar Byggðasafns Skagfirðinga, búsett
á Sauðárkróki.
Halldór Ásgrímsson, f. 1896 - d. 1973, kaupfélagsstjóri og alþingismaður.
Hallur Engilbert Magnússon, f. 1876 - d. 1961, byggingameistari og kaupmaður, Seattle í Bandaríkj-
unum.
Helgi Hallgrímsson, f. 1936, líffræðingur og rithöfúndur, búsettur á Egilsstöðum.
Hjörleifur Guttormsson, f. 1936, náttúrufræðingur og rithöfundur, búsettur í Reykjavík.
Hrefna Róbertsdóttir, f. 1961, prófessor í sagnlfæði, sviðsstjóri hjá Þjóðskjalasafni íslands, búsett í Reykjavík.
Ingvar Gíslason, f. 1926, íyrrverandi alþingismaður og menntamálaráðherra, búsettur í Reykjavík.
Ingvar Sigurðsson, f. 1887 - d. 1967, prestur á Desjarmýri í Borgarfirði eystra.
Lárus Sigmundur Tómasson, f. 1854 - d. 1917, kennari, bóksali og bankamaður á Seyðisfirði.
Mjöll Snæsdóttir, f. 1950, fornleifafræðingur, ritstjóri Árbókar Hins íslenzka fornleifafélags, búsett í
Reykjavík.
Páll Pálsson f. 1947, fræðimaður og grúskari á Aðalbóli í Hrafnkelsdal.
Sigurður Kristinsson, f. 1925, fyrrverandi kennari frá Refsmýri í Fellum, búsettur í Reykjavík.
Stefanía G. Kristinsdóttir f. 1969, framkvæmdastjóri Þekkingarnets Austurlands, búsett á Egilsstöðum.
Þorsteinn Valdimarsson frá Teigi í Vopnafirði, f. 1918 - d. 1977, guðfræðingur og ljóðskáld.