Múlaþing: byggðasögurit Austurlands - 01.01.2010, Qupperneq 12

Múlaþing
Páll Ólafsson. Eigandi myndar: Ljósmyndasafn Austur-
lands.
geymdi þar vinnufólk hirslur sínar. Öll voru
bæjarhúsin undir torfi og köld, en ekki lek.
Enginn ofn var í bænum, en eldavél í húsi,
sem bæði var búr og eldhús.
Hvernig húsbændur voru þau Páll og Ragn-
hildur?
Páll þótti nokkuð ýtinn með vinnu, en vann
þó ekki sjálfur, mun hafa litið eitthvað eftir
verkum. Hann var glaðlyndur hversdagslega,
en ónotalegur ef út af bar og yfírleitt örgeðja.
Kom þá fyrir að hann kastaði fram kersknis-
vísum. Annars sat hann oft við skriftir og las
talsvert í bókum. Ragnhildur var greind kona,
kát og skemmtileg. Vistin var góð og heimilið
reglusamt og vel umgengið.
Var gestkvœmt á heimilinu?
Gestagangur var þar mikill og gestum vel tekið
og reið Páll oft með þeim og frúin stundum.
Þau áttu þá líka marga og góða hesta, hryss-
urnar Stjömu og Ljónslöpp og rauðan hest
undan Stjömu er Tanni hét.
Hverjir voru tíðastir gestir Páls?
Jón Sleði10 og faðir hans komu oft, Guðmundur
í Húsey" á tímabili og Sveinn Bjarnason á
Heykollsstöðum. Stundum komu prestarnir
séra Sveinn Skúlason12 og séra Stefán Hall-
dórsson.13
Bar ekki á drykkjuskap er gestir komu?
Nei, Páll drakk alltaf eitthvað, en ekki svo
að á bæri og yfírleitt bar ekki á drykkjuskap
á heimilinu.
Hafði Pál/ stórt bú?
Já. Hestar voru margir, var fíutt á 6 úr blánni.
Eg fór á milli og var látin ríða Ljónslöpp. Kýr
voru víst 4 eða fleiri og margar ær í kvíum.
10 Jón Jónsson (Jón Sleði) var alllengi alþingismaður, bjó í Húsey,
á Sleðbrjót og víðar, bróðir Guðmundar í Húsey. (Einar Jónsson
1962, bls. 1047 og Sveitir ogjarðir í Múlaþingi 1. bindi 1974,
bls. 217).
11 Guðmundur Jónsson bóndi og hreppstjóri í Húsey. Hann var um
tíma í félagi við Bjarna Þorsteinsson og Jón bróður sinn um
verslunarrekstur á Borgarfirði, en verslunin varð fljótlega gjald-
þrota. Við það tapaði hann fé og flutti þá í Fagradal í Vopnafirði
1901, en seldi eignir sínar 1903 og flutti til Ameríku ásamt Jóni
bróður sínum og Bjarna Þorsteinssyni frá Höfn. (Einar Jónsson
1962, bls. 1047).
12 Sveinn Skúlason var prestur á Kirkjubæ frá 1883-1888. (Sveinn
Níelsson 2. útg. 1949, bls. 8).
13 Stefán Halldórsson var prestur í Hofteigi frá 1880-1890. Sveinn
Níelsson 2. útg. 1949, bls. 6).
10