Múlaþing: byggðasögurit Austurlands - 01.01.2010, Síða 42

Múlaþing
Hjónin Þórir Einarsson og Elísabet Bergmundsdóttir með börn sín. T.f.v. Elísabet Sigþrúður Bergmundsdóttir,
Jóhann Ævar Þórisson, Guðbjörg Þórisdóttir, Guðný Þóra Þórisdóttir, Guðni Þórir Einarsson. Eigandi myndar:
Guðbjörg Þórisdóttir.
Jón Sveinsson á Ytra-Tröllanesi og Hinrik
Þorsteinsson á Innra-Tröllanesi (síðar Sig-
urður Hinriksson). Hvar mörkin lágu milli
búsvæða Jóns og Hinriks veit ég ekki, en tún
Hinriks náði að utan að læknum hjá Bjargi
sem við kölluðum Fjóslækinn. Nýja Bjarg
með Bjargstúni lá milli Fjóslækjar og Bjargs-
lækjar sem skildi að tún Bjargs og Hruna.
Utan við Hruna í flæðarmáli var Gata, bær
Jóns Einarssonar og Kristjönu Jakobsen. Þá
er þess að minnast að á árunum rétt fyrir stríð
voru reist þrjú íbúðarhús með lóðarréttindum
á gamla Naustahvammslandinu. Fyrst er að
telja hús Þóris Einarssonar (Tóta á Stekk) og
Elísabetar Bergmundsdóttur. Það stóð skammt
frá Gamla Bjargi inn og upp þaðan, á landi
Hinriks. Elísabet var systurdóttir Jóhönnu
Björnsdóttur, konu Hinriks, og fósturdóttir
þeirra hjóna. Helgi Hjörleifsson, sem kvæntur
var Jónínu Hansdóttur Beck frá Sómastöðum,
reisti sér hús á Hrunatúni rétt ofan vegar
skammt utan við Bjargslækinn. Hús þetta var
að stofni til sumarbústaður Bjöms á Bakka, og
hafði staðið í Ingunnarveitunni í Ormsstaða-
landi. Þriðja húsið, sem ég nefni og aðeins
hafði lóðarréttindi, var hús þeirra Þorsteins
Jónssonar og Sigríðar Elíasdóttur. Þau nefndu
hús sitt Móakot, enda var stofninn í því húsi
sumarbústaður Kristins Ólafssonar bæjarfóg-
eta og mun hafa staðið í Skálateigslandi og
kallaðist þá Móakot.
Sé horft til 19. aldar er vitað að í Nausta-
hvammi (Naustahvömmum) var landið stúkað
niður i mörg kotbýli, fjögur býli em þar 1885
og kunna að hafa verið fleiri fyrr á öldinni.
Sum þessara kota höfðu sín nöfn eins og sjá
má í endurminningum Ingvars afa míns á Ekm.
Hann nefnir m.a. Arabæ, sem trúlega hefur
40