Múlaþing: byggðasögurit Austurlands - 01.01.2010, Page 146
Bréf frá síðustu öld
Halldór Karl Halldórsson á Vopnafirði sendi til birtingar í Múlaþingi bréf sem Halldór
Asgrímsson faðir hans sendi Gísla Helgasyni í Skógargerði árið 1963. Bréfið er að mörgu
leyti áhugaverð sagnfrœðileg heimild. Það fjallar að hluta til um samskipti skáldsins
Páls Olafssonar við föður Halldórs, Asgrím Guðmundsson, og uppruna Stjörnuljóðs II,
sem Páll samdi og tileinkaði Asgrími. Að sögn Halldórs var Páll I bréfum til Asgríms
berorður um /íkamleg málefni, og þó að hugsanlegt sé að orða/agið fari ef til vill fyrir
brjóstið á einhverjum aflesendum Múlaþings látum við orð standa, -því Páll Olafsson
skáld var engum likur og ekki þekktur fyrir aðfara í felur með skoðanir sínar. Stafsetn-
ing bréfsins var löguð lítillega.
Rannveig Þórhallsdóttir bjó til prentunar.
Halldór Asgrímsson fæddist
17. apríl 1896 að Brekku í
Hróarstungu, sonur hjónanna
Ásgríms Guðmundssonar og
K.atrínar Helgu Björnsdóttur,
er síðar bjuggu í Húsey um
hríð, en frá 1907 á Grund,
Borgarfírði eystra. Hall-
dór lauk Gagnfræðaprófi á
Akureyri 1916 og prófí frá
Samvinnuskólanum 1921.
Síðan tók við farsæll ferill
sem kennari, kaupfélags-
stjóri, bankastjóri og alþing-
ismaður. Halldór gekk að
eiga Önnu Guðnýju Guð-
mundsdóttur ll.júní 1922
og eignuðust þau fímm
syni. Anna Guðný var dóttir
Guðmundar Jónssonar og
Þórhöllu Steinsdóttur sem lengst af bjuggu á Hóli í Bakkagerðisþorpi. Anna Guðný nam
við unglingaskólann á Borgarfírði eystra 1909 - 1911, lauk prófi frá Kennaraskóla Islands
1916 og var við framhaldsnám í Danmörku sumarið 1921. Hún kenndi við barnaskóla og
unglingaskóla Borgarijarðar eystra, sem og í Hjaltastaðaþinghá og starfaði sem skólastjóri
barnaskóla Borgarljarðar í rúm tuttugu ár. Einnig kenndi hún við unglingaskóla og bama-
skóla á Vopnafírði. Þau létust bæði í Reykjavík, Halldór þann 1. desember 1973 og Anna
Guðný 20. nóvember 1978.'
Hjónin Halldór Asgrímsson ogAnna Guðný Guðmundsdóttir. Eigandi myndar:
Ljósmyndasafn Austurlands.
Jólakort Héraðsskjalasafns Austfírðinga árið 1986.
144