Strandapósturinn - 01.06.1978, Side 8

Til lesenda
Ritnefnd Strandapóstsins vill með þessu hefti, 12. árgangi
Strandapóstsins, enn á ný skora á Strandamenn heima jafnt og
að heiman, eldri sem yngri, að hyggju nú vel að hvort þeir eigi
ekki í fórum sínum gamla eða nýja fróðleiksþætti, sögur, skrýtl-
ur, kvæði eða sagnir sem tök væri á að senda póstinum.
Sú hætta er ávallt fyrir hendi að ritið verði of einhæft, ef fáir
menn leggja oft fram mestan hluta efnis, en fjölbreytnin eykur
aftur á móti lífsgildi ritsins.
Þessi orð eiga ekki að skiljast sem vanþakklæti í garð þeirra,
sem mest hafa skrifað nema síður sé, en hitt er jafnvíst að fjöl-
margir eiga trútt minni og góða frásagnarhæfileika þótt þeir séu
oft of hlédrægir til að senda okkur ritsmíðar sínar. Minnist þess
að góð verk og snjallar hugmyndir mega helst ekki fara í glat-
kistuna.
Ritnefnd Strandapóstsins