Strandapósturinn - 01.06.1978, Blaðsíða 82

sannfæring mín að hér hafi verið „gengin til góðs gatan fram
eftir veg“.
Ef til vill kemur sá tími að Átthagafélag Strandamanna eign-
ast gróðurreit eða sumarheimili á Ströndum heima. Þess verður
gott að njóta — en þó því aðeins að innri ylgjafi — að gleðjast
saman og vera til, njóti sín á þeim vettvangi, ekki síður en verið
hefur við opinn arin á farinni leið.
Því er stundum varpað fram, að þeir tali hæst um átthagaást,
sem runnið hafi af hólmi frá verkefnunum heima. „Fár veit hvað
undir annars stakki býr.“ Það tilheyrir dómi sögunnar hvort sá
gagnast betur byggð sinni og þjóð sem situr þrár á þúfunni
heima og lætur reka á reiðanum, en hinn, sem beygir hug sinn
fyrir rökum lífsframvindunnar og finnur sér starfsvettvang þar
sem hann fær betur notið sín — enda nýtur ættarbyggðin, jafnt
sem þjóðin öll, góðra verka þeirra sem stór spor stíga.
---------Merkum tímamótum má líkja við sjónarhæð. Það-
an skyldu menn svipast um og líta vel til allra átta.
80