Strandapósturinn - 01.06.1978, Side 67

Reykjanesi, er Jón Brandsson hét. Jón mun hafa haft búsetu á
Reykhólum, en þar var byggð kirkja á dögum Ólafs konungs
helga. Árið 1180 er Jón Brandsson orðinn prestur á Stað í
Steingrímsfirði (Staðastað), því það ár taka þau Jón Brandsson
og kona hans Steinunn Sturludóttir við Ingimundi presti Þor-
geirssyni, er hann varð skipreika við Reykjanes í Árneshreppi, en
Guðmundur Arason fóstri Ingimundar lá þá í fótbroti er hann
hlaut við strandið, hjá Snorra bónda Arngeirssyni og kom Guð-
mundur ekki að norðan til Staðar, fyrr en tvær vikur voru til
páska. Sá vetur var kallaður „Sóttarvetur“.
Um sumarið eftir fór Jón prestur Brandsson til veizlu norður
til Þingeyra og Guðmundur Arason með honum. Það sumar var
kallað „Grasleysissumar“.
Sumarið 1182 fór hinn heilagi Þorlákur biskup í fyrsta sinni
um Vestfirði. En er hann kom í Steingrímsfjörð, þá hafði hann
gististað í Kálfanesi, því að þá var þar nýbyggð kirkja, óvígð.
Meðal þeirra, sem voru þar að kirkjuvígslu, voru Jón prestur
Brandsson og Brandur Bergþórsson faðir hans, þar voru einnig
Ingimundur prestur Þorgeirsson og Guðmundur Arason fóstri
hans, er varð síðar biskup og hlaut viðurnefnið „hinn góði“. Þeir
urðu mjög góðir vinir Jón prestur Brandsson og Guðmundur
Arason hinn góði og dvaldi Guðmundur oft langdvölum á Stað
hjá Jóni og síðar hjá Bergþóri syni Jóns.
Jón prestur Brandsson andaðist 25. maí árið 1212. Sá vetur
var kallaður „Góði vetur“.
Bróðir Steinunnar Sturludóttur konu Jóns prests Brandsson-
ar, hét Einar, hann dó í Grænlandi. Um dauða hans er frásögn
eftir Styrkár Sigmundsson, er kom frá Grænlandi, mikill sagna-
maður og sannfróður, að skip þeirra fyndist í óbyggðum heilt, en
lið þeirra hefði gengið í tvo staði og barist um það, er fyrr þraut
aðra vistir en hina og komst Einar í brott við þriðja mann og
vildi leita byggðar og gengu upp á jökla og létu lífið, er dagleið
var til byggða og fundust einum eða tveim vetrum síðar. Lík
Einars var heilt og óskaddað og hvílir hann á Herjólfsnesi.
Jón prestur Brandsson átti son er Bergþór hét og tók hann við
prestsskap á Stað eftir föður sinn, fleiri syni átti Jón og voru
5
65