Strandapósturinn - 01.06.1978, Side 87

Guðlaugur Jónsson
Halldór Ólafsson
Til skýringar á brag þeim sem hér fer á eftir, skal þess getið að
á bátnum voru fjórir menn. Þeir hétu:
Guðjón Ólafsson, bóndi í Heydal, sem var formaður í þessari
ferð. Guðjón var eineygður og kemur það fram í bragnum. Jó-
hannes Jónsson bóndi í Skálholtsvík, Hermann Ingimundarson
Miðhúsum og Þorvaldur Jóhannesson Skálholtsvík.
Báturinn hét Pétur og var eigandi hans Ragúel Ólafsson
bóndi í Guðlaugsvík. I ferð þessari fluttu þeir rekavið til Björns
Magnússonar símastjóra á Borðeyri. I bragnum er talað um
Tangann og er þar átt við Borðeyri, sem á þeim tímum var oft
nefndur Borðeyrartangi eða bara Tangi. Næturgistingu fengu
þeir hjá Tómasi Jörgensyni er lengi rak veitingastarf á Borðeyri.
Sjóleiðin var aðal flutningaleiðin á þeim tímum, sem að hér er
greint frá. Bragur þessi er söguleg heimild, um þá erfiðleika sem
við var að fást, til aðdrátta, fyrir þá bændur er bjuggu í ytri hluta
Bæjarneshrepps.
Jón Kristjánsson
85