Strandapósturinn - 01.06.1993, Page 20
inn áður. Jólin voru hvít, en á annan dag jóla breyttist tíðarfarið.
Þá tóku við hlýrri vindar, og um áramót var víða orðið nær
snjólaust á Ströndum.
í heild má segja að árið 1993 hafí verið óvenju aðgerðarlítið í
veðurfari, sumarið var etv. svo sem ekkert sumar, en veturinn að
sama skapi svo sem enginn vetur.
Landbúnabur
Sauðburður gekk vel vorið 1993 þrátt fyrir svalt vor. Frjósemi
var víðast mikil eins og undanfarin vor og heilsufar ágætt. Vegna
þess hve kalt var í veðri tóku grös í úthaga fremur seint við sér, og
því var lambfé sleppt á fjall nokkrum dögum seinna en stundum
áður. Stöðugleikinn í sumarveðrinu var einstaklega hagstæður
fyrir féð, en oftar en ekki hafa Jónsmessuhret eða önnur sumar-
hret orðið til þess að spilla nyt í ánum eða þá að sumarhitar hafa
truflað eðlilega vaxtarþróun. Þessu var hvorugu til að dreifa
sumarið 1993. Lömbin stækkuðu jafnt og þétt og grös í úthaga
stóðu mun lengur en í meðalári. Þetta, ásamt auknu rými í högurn,
varð til þess að um haustið voru lömb Strandamanna með allra
vænsta móti, og nálgaðist meðalfallþungi dilka 20 kg. á einstökum
bæjum.
Tún Strandamanna voru mun verr á sig komin en úthaginn
vorið 1993. Um veturinn höfðu svell víða legið lengi á túnum,
einkum á flatlendi við sjóinn. Afleiðingin varð sú, að tún voru víða
illa kalin, og hafði ástandið sums staðar í sýslunni ekki verið verra
síðan á kalárunum um og fyrir f970. Víðast hvar rættist ótrúlega
vel úr þessum vanda þegar leið á sumarið, en engu að síður varð
heyfengur víða með minna móti. Fáir bændur á Ströndum þurfa
þó væntanlega að kvíða heyleysi, því að víða voru miklar fyrningar
til frá fyrra ári.
Að vanda hófst venjuleg sauðfjárslátrun í sláturhúsum sýslunn-
ar um miðjan september. Eftirfarandi tafla sýnir fjölda sláturfjár,
meðalfallþunga dilka og flokkun falla í úrvalsflokk og „fitu-
flokka" í einstökum sláturhúsum.
18