Strandapósturinn - 01.06.1993, Page 35

Minning
Ingólfur Jónsson, kennari
og ritliöfundur
frá Prestsbakka
Fæddur 28. okt. 1918
Dáinn 9. mars 1993
Ingólfur fæddist á Kvennabrekku í Miðdölum Dalasýslu 28.
okt. 1918. Foreldrar hans voru hjónin Guðlaug Bjartmarsdóttir og
sr. Jón Guðnason.
Er Ingólfur var á tíunda ári flytur fjölskyldan að Prestsbakka í
Hrútafirði. Á Prestsbakka átti Ingólfur heima á sínum mótunar-
og þroskaárum og við þann stað kenndi hann sig jafnan. Ingólfur
stundaði nám í Héraðsskólanum á Reykjum í Hrútafirði, þar sem
faðir hans var kennari um árabil. Leið Ingólfs lá síðar í Kennara-
skólann og tók hann kennarapróf 1940.
Ingólfur gegndi ýmsum störfum urn ævina. Hann vann m.a. á
bifreiðastöðinni Geysi 1941-1943, var kaupfélagsstjóri á Borðeyri
1945—1946 og skrifstofumaður í Reykjavík í allmörg ár. En aðal-
starf Ingólfs var kennsla.
Að loknu kennaraprófi var hann fyrst farkennari í eitt ár í
Hvammssveit í Dalasýslu. 1946-1957 var Ingólfur kennari við
Laugarnesskólann í Reykjavík, þrjú ár á Vopnafirði 1967-1970 og
við Réttarholtsskóla í Reykjavík frá 1970—1985. Þá varð hann að
hætta kennslu vegna heilsubrests.
Ingólfur var mikilvirkur rithöfundur. Eftir hann liggja mörg
33