Strandapósturinn - 01.06.1993, Page 36

skáldverk, bæði í bundnu og óbundnu máli, einnig þýddar sögur
og ævintýri.
Fyrsta Ijóðabókin „Bak við skuggann" kom út 1946. Fyrsta
barnabókin „Dvergurinn með rauðu húfuna“ kom út 1952.
Ingólfur sarndi fjölmarga texta við þekkt erlend jólalög. Fyrstu
sálmana sarndi hann í byrjun 6. áratugsins er hann var kennari við
Laugarnesskólann. Lögin valdi þáverandi söngkennari skólans,
Ingólfur Guðbrandsson. Þekktastur af þessum sálmum er „Bjart
er yfir Betlehem."
Leiðir okkar Ingólfs lágu saman á æskuárum norður í Hrúta-
firði. Seinna vorum við samkennarar við Laugarnesskólann og á
síðasta áratug höfum við haft náið og gott samstarf við útgáfu
Strandapóstsins.
Ingólfur var í ritnefnd Strandapóstsins óslitið frá 1975, þar af í
nokkur ár formaður. Hann lagði ritinu jafnan til mikið efni, ljóð
og sagnaþætti af ýmsu tagi, sem mikill fengur er að. Ingólfur var
einnig ötull við að fá aðra til að skrifa í ritið. Við fráfall Ingólfs
Jónssonar frá Prestsbakka er höggvið vandfyllt skarð í okkar hóp.
Ingólfur var jafnan bundinn átthögunum sterkum böndum og
hugur hans leitaði oft heim á fornar slóðir. Kveikjan að ljóðurn
hans er gjarnan störfin í sveitinni, barnaleikir og margbreytileiki
náttúrunnar. I 9. hefti Strandapóstsins segir hann m.a.:
„Skip minnar æsku skorðuð milli steina
skína mér enn á fjörubakka heima“.
í nrjög myndrænu kvæði Ingólfs um fyrsta róðurinn með Guð-
jóni á Ljótunnarstöðum, segir skáldið í síðasta erindinu, að sjóferð
lokinni:
„Aflapokinn er engin
ómynd á herðum mér.
Það er örþreyttur, ánægður drengur
sem einn á heimleið er.“
Snemma kom í ljós að Ingólfur var rómantískur og hrifnæmur.
34
J