Strandapósturinn - 01.06.1993, Qupperneq 92

Haraldur Stígsson
frá Horni:
Gummi þari
Austan undir Svartaskarðsheiði á Ströndum er lítið kot við
friðsælan fjörð sem Þaralátursfjörður nefnist. Ekki er mér kunn-
ugt um verðgildi kots þessa en þó mun það nálgast nokkur hundr-
uð að fornu mati og í jarðabók Árna og Páls hefur það verið í eigu
Mýrakirkju í Dýrafirði. Það mun hafa verið oftar í eyði en flestar
aðrar jarðir á þessum slóðum því segja má að eini góði kosturinn
sem þessi staður hafði upp á að bjóða væri hafnarskilyrðin. Fjörð-
urinn var mjór og nokkuð langur og úthafsaldan lognaðist útaf
áður en hún náði venjulegu skipalægi. Aftur gat það orðið þrautin
þyngri að fínna réttu leiðina inn á fjörðinn í vondum veðrum því
úti fyrir leyndust víða boðar og blindsker, sem erfítt var að forð-
ast, og ekki fyrir aðra en kunnuga að þræða þar á milli skers og
báru, dauðinn á næsta leiti, ef eitthvað út af bar. Ekki var hægt að
segja að landkostir þessa jarðnæðis væru eftirsóknanlegir, snar-
brattar hlíðar beggja vegna fjarðarins og það litla flatlendi sem
þarna blasti við undirlagt af framburði árinnar sem um það rann
og nefndist Ós við fjarðarbotninn. Gat hann oft orðið illur yfir-
ferðar í vatnavöxtum, enda eitt af afrennslum Drangajökuls,
breiddi þá úr sér út um allar eyrar og kæfði þann litla gróður sem
90