Strandapósturinn - 01.06.1993, Page 93

Bœrinn í Þaralátursfirði kúrir undir brattri fjallshlíð. Ljósm. Haukur
Jóhannesson.
þess í milli reyndi að nema þar land. Eyrarrós var að sögn eini
gróðurinn sem þreifst í námunda við þetta vatnsfall.
Fyrr á öldum reyndu nokkrir að hefja búskap í Þaralátursfirði
með misjöfnum árangri og lengi var jörðin í eyði. Var Óspakur
Kjallaksson og lið hans kannski þeir fyrstu sem reyndu að setjast
þar að? En þar segir sagan, að þeir hafi reist virki og farið um
sveitir með rupli og ránurn þar til héraðsmenn stökktu þeim á
flótta. Ekki treysti ég mér til að finna svar við því.
En árið 1937 bjuggu í Þaralátursfirði tveir bændur, þeir feðgar,
Guðjón Kristjánsson, sem áður bjó í Skjaldabjarnarvík og Guð-
mundur sonur hans. Guðmundur ólst að nokkru leyti upp norður
í Strandasýslu á Skriðnesenni eða Enni eins og það var kallað og
var hann stundum við það kenndur fyrstu búskaparárin hans í
firðinum. Gummi var dugmikill og djarihuga og ofurlítið svalur
stundum en góður í sér og greiðvikinn hvenær sem til hans var
leitað. Og eftir að kynni okkar hófust var hann oftast kenndur við
fjörðinn og kallaður Gummi þari, og þeirri nafngift mun ég halda
í þessari stuttu frásögn — hygg að það hefði honum best líkað.
91