Strandapósturinn - 01.06.1993, Side 113

Guðmundur P. Valgeirsson,
Bœ í Trékyllisvík:
Gott búsílag
Kaupfélag Strandamanna á Norðurfirði, sem þá hét Verslunar-
félag Norðurfjarðar, keypti sex tonna vélbát árið 1913. Hann hét
Ingólfur og var keyptur frá Isafirði. Báturinn var gerður út á
hákarlaveiðar seinni hluta vetrar og fram á vor, en á sumrin var
hann gerður út á þorskveiðar, ýmist á handfæri eða með línu. Þau
urðu endalok þessa báts, að hann slitnaði úr legufærum haustið
1921 í vitlausu veðri og rak upp á land, rétt utan við Síkið í
Norðurfirði, og laskaðist svo, að ekki var átt við að ná honum út
eða gera við hann.
Það var alltaf varhugavert að láta báta eða skip liggja við legu-
færi á Norðurfirði. Haldbotn er þar þó góður. En misvinda er á
Norðurfirði. Því vildi festin (keðjan) snúast utan um sjálft legu-
færið (drekann eða ankerið) svo það varð óklárt. Þurfti mikið
eftirlit með þessu ef skip eða bátar lágu lengi þar á legunni. Þetta
gerðist með Ingólf og því rak hann upp.
Með kaupunum á Ingólfi hófst vélbátaútgerð hér í hreppnum
og nýtt líf færðist í starfsemi Verslunarfélagsins. Held ég að hann
hafi verið fyrsti vélbáturinn í eigu Arneshreppsbúa. Þó fullyrði ég
ekki að það sé rétt hjá mér. Ingólfur m/b var happaskip og bar
drjúga björg í bú margra og þá jafnframt Kaupfélagsins. J ók þetta
111