Strandapósturinn - 01.06.1993, Side 128

Hlutverkaskipan mun ég nú rifja upp, en þurfti þó í smiðju til
þeirra sem betur mundu.
Skugga-Svein lék Sigurjón Sigurðsson kaupfélagsstjóri Hólma-
vík,
Ketil skræk lék Guðmundur Magnússon Hólmavík,
Sýslumanninn lék Ingimundur Magnússon frá Ósi,
Stúdentana léku Ásgeir Jónsson frá Tröllatungu og Filippus
Gunnlaugsson Ósi,
Sigurð í Dal lék Magnús Magnússon Hólmavík,
Grasa-Guddu lék Hjálmar Halldórsson Hólmavík,
Gvend srnala lék Elínborg Magnúsdóttir frá Skeljavík,
Ástu í Dal lék Jakobína Thorarensen kaupkona Hólmavík,
Harald lék Þorkell Hjaltason frá Vatnshorni,
Ögmund lék Guðmundur Jónsson Hólmavík,
Jón sterka lék Bergsveinn Bergsveinsson Hólmavík,
Margréti lék trúlegast kennslukona sem var ekki frá Hólmavík.
Það var til þess tekið hvað Hjálmar hafði leikið Grasa-Guddu
vel. Eg hafði oft orðið vitni að því, að hann var mikil hermikráka,
það var ekki aðeins að röddin væri eins heldur gerði hann sig svo
líkan í framan þeim sem hann hermdi eftir. Eftir því sem ég kemst
næst hefur leikritið Skugga-Sveinn, sem leikið var á Hólmavík
veturinn 1925, verið fyrsta leiksýning á Hólmavík.
Þessi viðburður, að sýna leikrit á því herrans ári 1925, var ekki
alvanalegt í smákaupstað úti á landi í því kreppuástandi sem á
þeirn árum ríkti í landinu yfirleitt. Það voru stóru staðirnir einir
sem að svona sýningum gátu staðið svo vel færi, en þetta litla
samfélag réðist í stórvirki á mælikvarða þess tíma.
Sýningar urðu ófáar miðað við fæð íbúa Hólmavíkur og sveit-
anna þar í kring. En fólk kom víða að og leiknum var frábærlega
vel tekið. Við skólakrakkarnir fórum á meira en eina sýningu,
fyrir utan hvað við reyndum að svindla okkur inn, helst þá er hlé
voru. Þetta var heilt ævintýri og það leið ekki á löngu þar til að
Skugga-Sveinn var leikinn bæði innan skólahússins og utan af
okkur börnunum. Uppáhaldspersónurnar voru: Skugga-Sveinn,
Ketill skrækur, Gvendur smali, Grasa-Gudda, og sýslumaðurinn,
ennfremur varð Jón sterki vinsæll.
126