Strandapósturinn - 01.06.1993, Page 129

Guðmundur P. Valgeirsson,
Bæ í Trékyllisvík:
Hví er þessi kýr hér?
Páll Zóphaníasson ráðunautur og búnaðarmálastjóri var sér-
stakur um margt. Meðal annars þótti hann með afbrigðum glögg-
ur að greina ættir og kyn kúa. Heyrt hefi ég að reynt hafi verið að
leika á hann að þessu leyti með því að lauma sömu kúnni inn á
sýningar hjá honum og láta hann dæma hana tvisvar. En það tókst
ekki. Engar slíkar sagnir kann ég að greina um það, en heyrði að
athyglisgáfa hans hefði verið einstök og á orði höfð.
Mér datt í hug atvik sem styður þetta og fannst að gaman gæti
verið að láta það ekki falla alveg í gleymsku.
Það var á árunum 1932 eða 1933, að Páll, sem þá var nautgripa-
ræktarráðunautur Búnaðarfélags Islands, var á sýningarferð um
Vestfirði. Samgöngur voru þá allt aðrar en nú, svo ólíku er saman
að jafna. Páll fór í sýningarferðalög sín á hestum. Átti hann góða
hesta og ferðavana. Einn þeirra var þó umfram aðra hesta í
hópnum. Hann hét Funi, ákaflega fallegur hestur og eflaust mik-
ill gæðingur og góður ferðahestur og vitskepna. Þegar Páll sat
ekki á Funa þá hafði hann forustu fyrir hinum. Við hann talaði
Páll eins og ferðafélaga og sagði honum fyrir um leiðina. Og
klárinn skildi Pál og fór eftir orðum hans og bendingum.
Að þessu sinni, sem hér um getur, kom Páll á hestum sínum
norður yfir Ófeigsfjarðarheiði af Langadalsströnd í Nauteyrar-
hreppi að Ófeigsfirði. Hvort hann var einn eða hafði mann sér til
fylgdar man ég ekki fyrir víst, en held þó fremur að hann hafi
verið einn á ferð með hesta sína.
Hann kom í Ófeigsfjörð síðla dags. Fékk þar hlýjar móttökur og
góða gistingu.
Um morguninn er Páll snemma á fótum. Og þegar gengið er til
127
L