Strandapósturinn - 01.06.1993, Qupperneq 131

í Ófeigsfirði sá Páll kú, sem hann taldi œttaða úr Árnessýslu. Ljósm.
Haukur Jóhannesson.
allra manna fróðastur og minnugur, gróf það þá upp að þetta gæti
staðist. Gat hann rakið það, að formóðir Selju í Ófeigsfirði væri
kornin frá Árnesi. Rifjaðist það þá upp, að séra Eyjólfur Jónsson
prestur í Árnesi fluttist frá Mosfelli í Grímsnesi að Árnesi vorið
1884. Lét hann reka kýr sínar þaðan alla leið norður í Árnes. Lét
hann fósturdóttur sína Guðrúnu Jensdóttur (sem af sumum var
talin laundóttir séra Eyjólfs), síðar kona Jensar Guðmundssonar á
Víganesi, fara með kýrnar og unglingspilt henni til aðstoðar. Ekki
var þó hægt að rifja upp hvað marga daga rekstur kúnna hafði
tekið þessa löngu leið. Hallaðist Guðmundur helst að því, að
ferðin liefði tekið viku. Þótti þetta minnisstætt afrek og þá ekki
síður hvað kýrnar héldu nyt eftir svo langt ferðalag. En Guðrún
mjólkaði þær og gaf þeirn nytina á leiðinni.
Gaman væri ef fróðir menn gætu reiknað út eftir líkum áfanga
Guðrúnar með kýrnar á þessu ferðalagi.
Það orð lék á í minni manna, að kýr séra Eyjólfs í Árnesi hefðu
verið sérstakir kostagripir, þó ekki væri í þeirra hópi sú kvíga í
Árnesi, sem Þorvaldur Thoroddsen getur um í ferðabók sinni um
129