Strandapósturinn - 01.06.1994, Qupperneq 24

1072 skv. bráðabirgðatölum Hagstofunnar og hafði því fækkað
um 9 frá árinu áður. Mest varð fækkunin í Hólmavíkurhreppi, en
þar fækkaði íbúum úr 532 (með Nauteyrarhreppi) í 526. Einnig
fækkaði um 4 í Bæjarhreppi, en sami fjöldi bætdst við íbúaskrána í
Broddaneshreppi.
ípróttir
Starfsemi Héraðssambands Strandamanna (HSS) var með
hefðbundnum hætti á árinu. Á útmánuðum var Vilhelmína
Smáradóttir frá Neskaupstað ráðin til svigskíðakennslu. Þá fengu
áhugasamir skíðagöngumenn á Hólmavík Ingþór Bjarnason, sál-
fræðing og Grænlandsjökulfara, til að leiðbeina gönguskíðaköpp-
um um miðbik sýslunnar. Skíðamót HSS var haldið í Selárdal um
páskana. Keppt var í alpagreinum við Bólstað, en í göngu innar í
dalnum. Þá var Búnaðarbankamót í skíðagöngu haldið í Selárdal
sumardaginn fyrsta.
Myndast hefur sterkur kjarni skíðagöngumanna á Hólmavík og
í nágrenni. Þessi hópur hefur stundað íþrótt sína af miklum
áhuga, og hefur aðalathafnasvæðið verið við Geirmundarstaði í
Selárdal. Á árinu 1995 fær þessi hópur verðugt viðfangsefni, en
ákveðið er að hluti af Islandsgöngunni fari fram við Hólmavík
seint í marsmánuði.
í byrjun mars 1994 hélt Rögnvaldur Ólafsson,formaður Glímu-
sambands Islands, kynningu á þessari þjóðlegu íþrótt í grunnskól-
unum á Hólmavík og Drangsnesi. Undir vorið sendi héraðssam-
bandið síðan sveit til keppni í meyjaflokki í sveitaglímu Islands.
Sveitin kom heim með Islandsmeistaratitil, og mun það vera í
fyrsta sinn sem Strandamenn ná svo langt í flokkaíþrótt. Þá varð
Steinunn Eysteinsdóttir Islandsmeistari í glímu 12—13 ára telpna,
en Islandsglíman í yngri flokkum fór fram á Blönduósi.
Ingibjörg Vilhjálmsdóttir frá Kollsá í Hrútaflrði var ráðin fram-
kvæmdastjóri HSS yfir sumarmánuðina. Þá starfaði Hörður
Bjarnason á vegum sambandsins sem frjálsíþróttaþjálfari, og Jón
Gunnar Traustason og Lárus Jón Lárusson önnuðust þjálfun
kvennaliðs sambandsins í knattspyrnu.
22