Strandapósturinn - 01.06.1994, Page 48

frændi bjó um sárið með kera í, til þess að halda því opnu meðan
það væri að hreinsast. —
Föður mínum létti strax eftir aðgerðina. Það kom gröftur úr
skurðinum í nokkra daga, en svo greri hann furðu fljótt og gat
faðir minn brátt farið að klæðast og safna þreki til að taka þátt í
heyskapnum. Guðmundur frændi gerði það ekki endasleppt við
okkur, því að hann kom aftur um sumarið að Dröngum með hóp
af börnum til hjálpar við heyskapinn og var að mig minnir í 2
daga. Annan daginn fór hann norður í Skjaldabjarnarvík að sótt-
hreinsa híbýlin eftir mislinga, sem gengu þar þetta sumar ...
Svo vel vildi til, að allt var fullt af heyi bæði á heimatúni og við
beitarhúsin. Agætur þurrkur kom á meðan fólkið var hjá okkur
og munaði nú aðeins um blessað frændfólkið. Fannst okkur þetta
vera sannkallaðir sólskinsdagar enda náðist allt hey inn, sem til var
laust. — Guðjón Kristjánsson var kaupamaður á Dröngum þetta
sumar, en fór snemma í ver eins og venja var til róðra í Jökulfjörð-
um. Eg held að heyskapur hafi orðið sæmilega góður þetta sumar
og líka fiskaðist vel bæði um sumarið og haustið þegar farið var á
sjó.
Seint um haustið, eða í endaðan október, komu kærkomnir
gestir framan úr sveitinni. Voru það þau Anna Jónasdóttir
frænka, Guðrún í Ávík, Ásgeir gamli og Jensína í Ófeigsfirði. Þá
voru liðin tvö og hálft ár frá því Anna frænka fór frá mömmu og
var hún að koma til dvalar um tíma við sauma en hún var mjög
lagin saumakona ... Einhvern tíma voru gestirnir búnir að dvelja
hjá okkur þegar Guðjón Kristjánsson kom allt í einu fyrirvaralaust
að Dröngum eins og fiskiríið væri búið. En hér bjó eitthvað undir.
Er skemmst af þessu að segja, að daginn eftir var slátrað geldri
kind og efnt til mjög myndarlegrar veislu, þar sem þau settu upp
hringana Anna blessuð og Guðjón. Þetta var indælt og ógleyman-
legt kvöld. Þorbjörn söng eins og engill og hreif alla að venju. Það
var farið í leiki og eitthvað dansað, því að harmonika var komin á
heimilið. Gömlu mennirnir höfðu næga hressingu, Guðjón kom
með hana að vestan. Faðir minn hafði líka ástæðu til að gera sér
glaðan dag þar sem hann hafði endurheimt heilsu sína. Hann
46