Strandapósturinn - 01.06.1994, Page 52
Haraldur Stígsson frá Horni:
Maðurinn
með
hvíta
trefilinn
Grímur hét hann og var Finnbogason, fæddur í Furufirði á
Austurströndum en fluttist tveggja ára með foreldrum sínum til
Bolungarvíkur í sömu sveit og ólst þar upp, að mér skilst fram yfir
fermingaraldur eins og yngri bræður hans og systur. En með
fyrra fallinu mun hann hafa hleypt heimdraganum enda urðu
systkini hans fljótlega mörg og þótt karl faðir hans væri atorku-
maður mun þörfin fyrir vinnuafl svo rnargra barna hafa minnkað
er stundir liðu og ef til vill hefur búskapurinn ekki átt jafnvel við
þau öll. Grímur fór því snemma úr foreldrahúsum, lagði leið sína
suður á land og tók að stunda sjó, dvaldi í hinum ýmsu verstöðv-
um við misjafnt atlæti, stundum vetur eftir vetur. Sandgerði,
Hafnir og Grindavík nefndi hann oft og fleiri staði suður með sjó.
Hann sagði ótal sögur af dvöl sinni á þessurn, að okkur fannst,
fjarlægu stöðum og frá margs konar mannraunum sem hann lenti
í þar syðra. Ekki gumaði hann þó neitt af afrekum sínurn á því
sviði eða hreystiverkum heldur hvernig honum hefði með und-
anslætti tekist að komast hjá vandræðum: „Sumir voru bara alveg
brjálaðir, alveg bijálaðir“ tautaði hann oft „áá, áá og þá dugði
ekkert annað en flóttinn, flóttinn, áá, áá. Það kom sér vel að
rnaður var frár á fæti á þeim árum, áá, áá. Þetta voru heljarmenni
50