Strandapósturinn - 01.06.1994, Blaðsíða 57

Eggja-Grímur var lengi fygl-
ingur. Hann hefur vafalitið
einhvern tímann sigið í Miðdal
í Hornbjargi. Drangurinn neð-
an undir bjarginu heitir Fjöl.
Ljósm. Haukur Jóhannesson.
því að þetta væri ekki vitavörðurinn heldur Grímur sem um þetta
leyti var farinn að búa með systur sinni á Höfðaströnd í Jökul-
fjörðum. Hvíti trefillinn virtist gefa það ótvírætt til kynna hver
maðurinn væri. Þó að vitavörðinn vantaði var fullskipað á festinni
hjá Kristni og á meðan hann var að snúa vélbátnum aftur til hafs
hrópaði bróðir Gríms gegnum vélargnýinn: „Settu á fullt, Kitti,
þetta er hann Grímsi bróðir.“ Það var sem sagt alger óþarfi að vera
að hafa hann með. Á yfirborðinu virtist nú bróðurkærleikurinn
ekki vera meiri en þetta. Samt sem áður voru þeir engir óvinir en
áttu það til að beita hvor annan ýmis konar brellum annað slagið,
einkum ef þeir voru að keppa að sama marki.
En það er af Grími að segja, að morguninn eftir að hann kom að
Horni fóru þeir feðgar, faðir minn og bróðir, með hann upp í
svokallað Svaðaskarð og létu hann síga þar eftir eggjum báða
dagana sem við hinir vorum á Hælavíkurbjargi. Þar náðu þeir í
talsvert af eggjum og þegar við komum til baka hafði Grímur aflað
sér mun hærri hlutar en bróðir hans. Bróðirinn lét sem sér þætti
55