Strandapósturinn - 01.06.1994, Side 81

Guðmundur P. Valgeirsson
Bœ í Arneshreppi:
Löng
kaupstaðar-
ferð
Pétur hét maður og var Guðmundsson. Hann var fæddur 14.
júní 1838. Dáinn 9. ágúst 1911. Foreldrar hans voru Guðmundur
Bjarnason bóndi á Barmi á Skarðsströnd og kona hans Margrét
Björnsdóttir frá Hvítuhlíð í Birtu, Jónssonar. Pétur var albróðir
Björns sem kallaður var „daskari“ og var þekktur fyrir ferðir sínar
um Húnaflóa einn ájullu sinni, milli Stranda og Húnavatnssýslna.
Pétur var húsmaður á Gjögri frá 1890 til æviloka.
Pétur var oft á ferðalögum og hefur líklega verið léttur á fæti.
Hér í Arneshreppi var honum gefið viðurnefni og kallaður Pétur
skoppur. Get ég mér þess til, að það viðurnefni hafi honum verið
gefið vegna þess að hann hafi verið léttur á fæti og hálfhlaupið á
göngu og í ferðum sínum. Nokkuð mun hann hafa verið á lofti og
drjúgur með sig, en þó heldur liðléttur. Til þess benda sögur sem
ég heyrði Gísla Guðmundsson á Gjögri segja af honum og hann
hafi viljað sýnast nokkur í augum kvenna — þó var hann ekki við
kvenmann kenndur svo ég heyrði þess getið.
Hann var einsetumaður á Gjögri og hafðist við í verbúð þeirri
sem kölluð var Ræpa. Minnir mig hún væri niður í Gjögurstang-
anum nálægt því sem hús Jóns Sveinssonar stendur og er nú í eigu
Kristmundar Sörlasonar. Bátkænu átti Pétur og réri oftast einn á
79