Strandapósturinn - 01.06.1994, Side 85

leiðinni. Leggur Pétur síðan af stað og segir ekki af ferðum hans.
Líður svo hver vikan af annarri að ekki kernur Pétur á þeim
dögum sem ætla mátti þó honum væri rúmur tími hugsaður.
En það er af Pétri að segja að hann heldur svo sem leið liggur til
Skagastrandar. Eflaust hefur hann haft viðkomu hjá gömlum
kunningjum á leið sinni. En um síðir kemst hann þó til Skaga-
strandar. Þegar þangað kemur fer hann að leita eftir þjölinni hjá
kaupmönnum þar. En þjölina eiga kaupmenn ekki til. Hér hafði
löng ferð verið gerð án árangurs. Þegar svo var komið var ekki
annað að gera fyrir Pétur en halda sömu leið til baka heim.
Ekki segir af ferðum Péturs fyrr en hann kemur norður í
Steingrímsíjörð. Nú var tvennt til hjá honum. Annað að halda
áfram heim þjalarlaus. Hitt var að bregða sér vestur yfir Stein-
grímsfjarðarheiði alla leið til ísafjarðar í von um að þjalir væru
fáanlegar þar. Hvernig sem Pétur hefur þenkt þetta þá verður
það ofaná að hann leggur lykkju á leið sína vestur til fsafjarðar í
von um betri erindislok þar.
Ekki segir af ferðurn hans á þeirri leið eða dagleiðum fremur en
á leiðinni til Skagastrandar. En til ísafjarðar komst hann — og viti
menn, kaupmenn þar áttu einmitt til þjöl eins og þá sem Þorstein
vanhagaði um. Eflaust hefur Pétur orðið feginn að fá þjölina
þarna. Með því hafði ferð hans borið tilætlaðan árangur. Nú gat
hann haldið heim með heiðri og sóma.
Heldur hann nú á leið heim erindi feginn. Segir ekki af því fyrr
en hann kemur að Kjörvogi og afhendir Þorsteini þjölina og segir
ferðasögu sína. Tók Þorsteinn harla glaður við þjölinni og þakk-
aði Pétri vel fyrir að hafa greitt úr þessum vandræðum sínum.
Hefur Pétur eflaust gengist upp við það svo sem hann var skapi
farinn og sjálfsánægður.
Þessi saga var sögð og höfð í minni, sem einhver sú lengsta
kaupstaðarferð sem farin hefur verið og því einstæð. Ekki get ég
fullyrt um hvað þessi ferð Péturs tók langan tíma, en minnir þó
helst að átta vikur hafí liðið frá því Pétur lagði af stað þar til hann
kom aftur og skilaði Þorsteini þjölinni.
Eg heyrði þessa sögu sagða þegar ég var ungur og alltaf var hún
sögð í hálfgerðu gamni, jafnvel skopi í garð Péturs. Svo liðu árin.
83