Strandapósturinn - 01.06.1994, Qupperneq 130

Herselía Þórðardóttir Hvítarhlíð:
Minninga-
brot úr
Bitru
Á haustnóttum 1969 barst hingað til lands inflúensufaraldur af
A stofni er gekk undir nafninu Asíuinflúensan. Til okkar norður í
Bitru kom hún með skólafólki er kom lieim í jólafrí.
Lagðist fólkið á bæjunum oft allt í einu í rúmið, svo var um
okkur hjónin og dætur okkar tvær, við lágum öll í rúminu um
áramótin. Nágranni okkar Gísli Gíslason í Gröf kom og hirti um
skepnurnar fyrir okkur, en það var til þess að hann fékk flensuna
og hans fólk einnig.
Ég var ófrísk að þriðja barni okkar og vænti fæðingar seint í
janúar. Upp úr hátíðum gerðist tíðarfar rysjótt og snjóalög mikil,
vegir urðu því ófærir, en reynt var að ryðja einu sinni í viku svo
fært væri til Hólmavíkur. Ég ákvað því að fara með rútunni til
Hólmavíkur þriðjudaginn 13. janúar, og bíða þar uns ég fæddi
barnið, en það fór á annan veg.
Aðfaranótt mánudags 12. janúar fór ég að finna fyrir fyrstu
merkjum þess að fæðing myndi vera í vændum. Ekki var útlitið
gott, hríðarveður var úti, vegir allir ófærir og við engan veginn
búin að jafna okkur eftir inflúensuna þó við værum farin að sinna
okkar verkum. Einar hringir þá í systur sína Guðfinnu Magnús-
dóttur og hún og maður hennar Indriði Sigmundsson brugðust
128