Strandapósturinn - 01.06.2012, Side 14

14
gestanna. Hér með langar mig fyrir hönd kórsins að þakka
Hólmvíkingum innilega fyrir hlýjar og góðar móttökur. Eftir að
Hólmvíkingar höfðu verið kvaddir var lagt af stað á nýjan leik þar
sem næsti áfangastaður var Árneshreppur og þar var fyrirhugað
að gista næstu tvær nætur og halda tónleika í Árneskirkju kl. 16
næsta dag. Þegar í Árneshrepp var komið var haldið beint til
Norðurfjarðar og þangað var komið kl. eitt um nóttina. Á hlaðinu
þar tóku á móti okkur heiðurshjónin Margrét Jónsdóttir og
Gunnsteinn Gíslason – þau buðu hópnum í bæinn og þar beið
okkar kaffi og hlaðið borð af alls konar góð gæti. Flestir
ferðalangarnir gistu hjá Margréti og Gunnsteini en þau hjón hafa
innréttað gamla frystihúsið á afar smekklegan máta og gert að
gistiheimili. Ekki voru þó alveg allir sem gistu þarna þar sem
sumir gistu í barnaskólanum á Finnbogastöðum og aðrir hjá
ættingjum í sveit inni.
Daginn eftir var farið í skoðunarferð að Munaðarnesi og eftir
það í Krossneslaug þar sem sumir skelltu sér í sund en aðrir röltu
um og tóku lífinu með ró. Nú var liðið að hádegi og hópurinn var
búinn að panta hádegisverð hjá Einari Óskari Sigurðssyni,
staðarhaldara á Kaffi Norðurfirði. Einar og hans fólk sáu um allan
viðurgjörning fyrir hópinn meðan dvalið var í Árneshreppi og
gerðu það með miklum sóma. Að loknum hádegisverði fóru
kórfélagar að undirbúa sig fyrir tónleikana sem áttu að hefjast kl.
16 í Árneskirkju. Tónleikarnir tókust með ágætum og voru mjög
vel sóttir af heimamönnum og gestkomandi þrátt fyrir að enn
væru töluverðar annir á bæjunum þar sem sauðburði var ekki
lokið. Um kvöldið var snæddur kvöld verður og stiginn dans fram
eftir kvöldi undir dillandi spili og söng sem nokkrir kórfélagar
höfðu veg og vanda af.
Heimferðardagurinn 5. júní rann upp og um tíuleytið tíndist
ferðafólkið upp í rútuna og var haldið af stað til Djúpavíkur þar
sem ákveðið var að staldra við á Hótel Djúpavík og fá leyfi til að
skoða hannyrðasýningu Pálínu Jennýjar Þórólfsdóttur frá
Finnbogastöðum og nemenda hennar. Palla var hún kölluð af
sveitungum sínum og fyrir utan húsmóðurstörfin var hún
handavinnukennari við Finnbogastaðaskóla á árunum 1966–
1985. Eva, hótelstjórinn á Djúpavík, tók vel á móti hópnum og
það var auðfengið leyfið að skoða hannyrðasýninguna þar sem