Strandapósturinn - 01.06.2012, Síða 15

15
fyrir augu bar ótrúlega mikið af fallegum útsaumi, hekli og
annarri handavinnu sem undirritaður treystir sér ekki til að lýsa
frekar. Augljóst er að Palla hefur haft mikinn metnað og lagt
áherslu á að kenna nemendum sínum fallegt og vandað
handbragð í hvívetna. Gaman er líka að geta þess að meðal
kórfélaga eru nokkrir af nemendum Pöllu og áttu þeir handverk
á sýningunni. Eva var kvödd og henni þökkuð gestrisnin og
ferðalangarnir héldu af stað. Nú lá leiðin aftur til Hólmavíkur og
að þessu sinni á Café Riis þar sem hópurinn settist að snæðingi og
að þessu sinni var á boðstólum góð og saðsöm súpa og annað
meðlæti. Síðan var ferðinni haldið áfram suður „og er hún þar
með úr sögunni“ – eins og segir svo oft í Njálu.
Tónleikarnir í kirkjunni í Árnesi voru síðustu tónleikar kórsins
undir stjórn Krisztinu Szklenár sem hefur stjórnað kórnum frá
hausti 2004. Kórfélagar þakka Krisztinu fyrir góða kórstjórn og
einstaklega gott samstarf á liðnum árum um leið og henni er
óskað velfarnaðar á nýjum vettvangi.
Næsta verkefni stjórnar kórsins var að ráða nýjan kórstjóra og
eftir nokkra leit var ákveðið að ráða Arnhildi Valgarðsdóttur.
Kór Átthagafélags Strandamanna ásamt barnakór á aðventuhátíð í
Bústaðakirkju í desember 2011. Ljósm.: Guðni Þór Hauksson.