Strandapósturinn - 01.06.2012, Page 58

58
Þorvaldur Thoroddsen
Dagbók úr ferð um
Strandir sumarið 1886
Haukur Jóhannesson og Þorleifur Jónsson
bjuggu til prentunar
Inngangsorð
Þorvaldur Thoroddsen fæddist í Flatey á Breiðafirði árið 1855. Hann var
sonur Jóns Thoroddsens, skálds og sýslumanns, og Kristínar Þorvaldsdóttur
úr Hrappsey. Þorvaldur ólst upp hjá foreldrum sínum í Haga á Barðaströnd
og síðan á Leirá til 11 ára aldurs. Þá fór hann til Reykjavíkur í nám og
dvaldist hjá Jóni Árnasyni þjóðsagnasafnara. Hann lauk stúdentsprófi úr
Lærða skólanum árið 1875. Hann sigldi þá um sumarið til náms við
háskólann í Kaupmannahöfn og stundaði þar nám í náttúrufræðum til
1880 en lauk ekki prófi. Hann var kennari við Möðruvallaskóla 1880–1884
og síðan við Lærða skólann í Reykjavík 1885–1895. Eftir það bjó Þorvaldur
að mestu í Kaupmannahöfn þar sem hann lést árið 1921.
Þorvaldur hafði brennandi áhuga á sögu lands og þjóðar og ferðaðist um
nær allt landið á árunum 1881 til 1898. Hann kannaði einkum jarðfræði
landsins en einnig skráði hann hjá sér margt um grasafræði og dýrafræði og
hafði augun opin fyrir atvinnu- og lífsháttum þjóðarinnar. Eftir hann liggja
fjölmargar bækur og greinar um land og þjóð.
Meðal þekktustu rita Þorvalds er Ferðabók sem kom út 1913–1915, 2. útg.
1958–1960,k þar sem hann lýsir ferðum sínum og rannsóknum á Íslandi en
áður hafði hann birt reglulega skýrslur um það efni í tímaritinu Andvara
(1883–1899). Við samningu greinanna í Andvara (og Ferðabókarinnar)
styðst hann mikið við dagbækur sem hann hélt í ferðum sínum en
dagbækurnar sjálfar hafa verið lítt eða ekki skoðaðar fyrr en nú á síðustu
k Þorvaldur Thoroddsen (1913–1915) og Þorvaldur Thoroddsen (1958–1960).