Strandapósturinn - 01.06.2012, Qupperneq 69

69
stutt, dalurinn inn af sléttur í botn og allmikil á.58 Eins er
Selárdalur (með tveimur bæjum) stór og áin59 mikil, viðlíka og
Hörgá, há fjöll á báða bóga með sköflum langt niður, mjög
kaldranalegt, kvað vera alfullur af snjó á vetrum en mjög góður
undir bú á sumrum er af leysir, botninn langt inn flatur; gamall
fjörður. Riðum út með. Norðan fjarðar slitróttur vegur, mörg klif.
Fórum að Hellu og vorum þar um nóttina.
12. ágúst. Nes hér út í sjóinn, litlir tangar og hólmar fram af
með æðarvarpi, litlir tveir hér með 40 pund. Æðarvarp hér víðar
á hólmum norðan við fjörðinn; nes og hólmar, flesjar, áframhald
laganna á landi, sami halli. Þegar basaltlög sjást langt frá í hlíð
sem hér aðgreinast stallarnir vel þannig að
gras er í hvilft um milli a–a en hitt grátt án
vegetationar.60 Alls staðar hér mjög ís núið,
pólerað með ótal rákum þar sem grassvörður
er nýkominn af. Kópar hér að leika sér á skerjunum (Selströnd).
Fórum kl. 11 frá Hellu. Riðum yfir fell og klappir að Kleifum.
Nokkurn spöl fyrir utan Kleifar gengur inn breið vík61 og eru
beitarhús frá Kleifum (?) þar við víkurbotninn.62 Austanvert við
víkurbotninn eru hverirnir, niður af klettum og urð fast við sjó.63
Hefir þar myndast terrass úr samanbökuðu hverahrúðri og
basaltmolum, 40 fet á breidd þar sem breiðast er um miðjuna, ca.
sex fet á þykkt, frá sævarmáli ca. 70 álnir á lengd.64 Á þessum
terrass þrír hverir. Þó koma heitar vatnsblöðrur upp víðar í
pollum, í heitustu opunum þremur hiti alls staðar 76° C. Steinar,
sem upp úr standa, mjög sunduretnir með djúpum hvilftum eftir
áhrif heita vatnsins. Í öllum hverunum hvilft þar sem heita vatnið
kemur niður. Vottar fyrir sprungu í terrassinum sem allir hverirnir
eru bundnir við, ca. N30°A. Alls staðar upp úr terrassinum stór[ir]
steinar af því terrassinn er myndaður í urð. Smágöt í volgu
58 Staðará en hún hét áður Ljótá og dalurinn Ljótárdalur.
59 Selá.
60 Gróður.
61 Víkin heitir nú Hveravík en hét áður Reykjarvík.
62 Þar er nú lítið lögbýli sem heitir Hveravík. Því var skipt út úr Kleifum.
63 Allur yfirborðsjarðhitinn er í landi Hafnarhólms.
64 Flestir hverirnir eru nú komnir undir nýjan þjóðveg. Einungis var skilinn eftir
opinn skápur í kringum Girðishver.