Strandapósturinn - 01.06.2012, Qupperneq 76

76
heiðar. Snjóflóð falla hér oft á vetrum og bera með sér grjót sem
nú liggur stráð um allan dalinn. Háheiðablær er hér á öllum
mýrum í dalnum. – Riðum síðan niður dal og skildu bændur við
okkur á Kleifum.
Fórum út fyrir Kaldbaksbæ. Þar hár terrass fram með ströndinni
fram hjá Spena108 og mótar fyrir honum langtum lengra, fram hjá
næsta bæ,109 þó í brot um. Há snarbrött fjöll110 út með en þó dálítið
undirlendi fyrir neðan, líklega abrasionsterrass.111 Riðum fyrir
ofan Byrgisvík og inn með Veiðileysu, þar fremur vondur vegur,
síðan utan í bröttum skriðum og niður að sjó fyrir klif sem þykir
illt, Veiðileysuklif,112 hamrar í sjó fram sem særinn hefir nagað
skvompur inn í. Í sævarmáli þar klöpp á annan veg, hinum megin
sjór, stór grýtisurð og illar klappir, ófært um flóð, einkum ef brim
er. Jakob Thoraren sen113 fór fyrir ofan. Þar fyrir utan tekur við
terrass inn í fjarðarbotn mjög reglulegur. Á honum, nokkuð fyrir
innan klifið, klappir með einkennilegum hellisskútum nöguðum
af sjó er hann náði svo hátt. Lög hér á leiðinni frá Kaldbak sýnast
hallast út og suður. Fórum fram hjá Veyðileysubæ og upp háls-
inn.114 Þar illur vegur, fullt af mýrum og fúadýjum, kafhlaup,
sneiddum þó holtin. Örmjór fjallhryggurinn utar.115 Komum kl. 8
eftir miðdegi í Kúvíkur og vorum um nóttina.
17. ágúst. Um kyrrt á Reykjarfirði, er að búast til norðurferðar.
Jakob Thorar ensen mesti dugnaðarmaður, hefir verslun, útveg
og bú. Harðindin ætla hér alla að drepa, eitt með verstu sumrum
er menn muna. Sífelld þoka, rigning og kafald stanslaust í sumar.
– Þoka í fjöllum en þurrt.
108 Heitir fullu nafni Kolbeinsvíkurspeni og eru merkin milli Kolbeinsvíkur og
Kaldbaks um svonefnda Spenaþúfu hæst á honum.
109 Kolbeinsvík.
110 Hér er greinilega átt við Byrgisvíkurfjall. Sléttlendið austan undir því nefnist
Skeið.
111 Rofhjalli.
112 Nefnist oftast Veiðileysukleif eða Veiðileysuófæra en stundum Byrgisvíkurkleif
eða Byrgis víkurófæra. Þorvaldur nefnir Veiðileysukleif í minnisgrein (III, bls.
137).
113 Jakob Thorarensen (1830–1911), kaupmaður á Kúvíkum. Hann var sonur Þórar-
ins Thor arensens, verslunarstjóra á Kúvíkum, og tók við af honum 1854 en keypti
verslunina 1861 og rak hana til æviloka (Jón Guðnason (1955), bls. 451–452).
114 Veiðileysuháls.
115 Þorvaldur á hér greinilega við fjallið Kamb.