Strandapósturinn - 01.06.2012, Side 80

80
19. ágúst. Reið um morguninn ásamt kafteininum í Akravík og
Laugavík134 og skoðaði.135
Örðugar hákarlalegur á vetrum í opnum bátum þrjár til fimm
mílur undan landi í versta sjó, oft í moldkafaldi á næturþeli með
norðan- og austanátt, brim og moldkafald, örðugar lendingar.
Stundum viku, 10–16° frost, vatnsleysi, matarleysi.
Fórum kl. frá Reykjanesi og kafteinninn fylgdi yfir Reykja-
neshyrnuna ofarlega. Þar er mýrlent og illt að fara yfir. Þar sést
yfir nesið allt út af Arkar fjallinu. Þar er eitt stórt vatn á miðju
nesinu, Gjögursvatn, að vestanverðu þrjár tjarnir, sunnar
Mjóavatn, svo Stekkjarvatn og svo Hólmavatn rétt við Gjögurs-
vatn. Nesið terrass og ágætt að sjá upp af sjó rétt fyrir austan
Reykjanes einn malarkamb upp af öðrum136 svo auðséð er að
landið hefur hækkað hægt og hægt. Fyrir sunnan Hyrnuna, milli
hennar [og] Mýrarhnúks, tvær tjarnir.137 Eins taka við terr-
assamyndanir138 niður að Trékyllisvík.
20. ágúst. 1886.139 Var í Árnesi um nóttina í besta yfirlæti. Í
gærkveldi gekk eg ásamt séra Eyjólfi140 og syni hans, Eyjólfi
Kolbeins, hér inn með sjó. Hér út af nesinu næst fyrir utan
drangar, gangur sundurbrotinn, einn drangi með manns andliti
og skeggi alveg eins og maður, á að vera tröllkall.141 Innar margir
134 Nefnist Laugarvík.
135 Minnisgrein (III, bls. 111): „Á Reykjanesi við Gjögur. Kaldur lækur á nesinu að
norðaust anverðu og í bakka hans kemur upp heitt vatn á einum stað. Þetta rétt
við sjó og skeljasands bakkar (skeljabrot að nokkru leyti). Hiti mestur 68½°. Vatn-
ið kemur ei um sérstakt op, bara um sjálfan sandinn. Þar í sjálfri lauginni reka-
viðardrumbur í sandinum. Alls staðar á bökkunum mura. Rekaviður kemur víðar
út við lækinn. Þetta er ca. 35 skref frá fjörunni.“ – Þessi laug er í Akurvík. Þar eru
í raun tveir lækir. Sá syðri er kaldur og nefnist Landamerkjalækur en í fornum
rekaskrám Rauðilækur eða Kaldilækur. Lækurinn á upptök uppi í hálsinum fyrir
ofan. Hinn, sem heita vatnið kemur upp í, er steinsnar frá og norðar og nefnist
hann í gömlum heimildum Varmilækur. Varmilækur er mjög stuttur og rennur
saman við Landamerkjalæk og hverfa þeir svo í fjörusandinn.
136 Hér er verið að lýsa Reykjanesrimum milli Reykjanesbæjarins og Reykjanesbjarga.
137 Mýrarhnúksvatn og Breiðavatn (Ávíkurvatn).
138 Þarna á Þorvaldur við slétta mela sem nefnast Hraun og eru norðan við Ávíkurá
og í landi Stóru-Ávíkur.
139 Hér hefst IV. hefti handritsins, bls. 1.
140 Eyjólfur Jónsson var prestur í Árnesi 1884–1909. Meðal barna hans var Eyjólfur
Kolbeins, f. 1866. (Jón Guðnason (1955), bls. 504.)
141 Árnesstapar.