Strandapósturinn - 01.06.2012, Side 82

82
Annað skarð er yfir fjallið frá Melum148 í Trékyllisvík, tíðfarnara
en töluvert hærra, hátt fjall milli,149 ca. 1800–2000 fet, og
Kálfstindar150 fyrir norðaustan eiðið. – Ingólfsfjörður langur og
brattar hlíð ar niður í sjó, þó gras töluvert upp eftir hlíðum, grænt
upp að snjó eins og vant er hér nyrðra, einkum þar sem er á móti
sól, en mosi undan henni og að sjó. Halli laganna með firðinum
4–5° út beggja vegna. Líkindi fyrir liparit í fjallinu milli Eiðisins
og Melaskarðs.151 Undan Melaskarði við fjörðinn dálítið í kleif152
við sjóinn af hvítu grjóti hjá götunni. Fjörðurinn langur og
botninn með upp hallandi bröttum „bótum“, fjallið lægra fyrir
dalbotni en til beggja hlíðanna.
Riðum inn á Eyri og svo á Ingólfsfirði. Þaðan upp sneiðingar
útnorður upp fjallið, heitir þar Ófeigsfjarðarbrekka,153 einhver
brattasti fjallvegur sem eg hefi farið næst Hólaskarði,154 víða háar
klappir og svaðar í götum, sums staðar mýri, efst skaflar. Meðalhalli
hlíðarinnar 25–30°, hættulegt fyrir áburðarhesta. Ei trúi eg þeim
munnmælum sem sagt er að konur reiði börn í söðlum hér upp
og ofan. Fjallið mjög mjótt að ofan,155 þar tjarnarpollur við skafl;
niður að norðanverðu smá-hallandi flár botn með stalli af stalli
niður til Ófeigsfjarðar.156 Efst á hálsinum burknar, grájurt, Salix
herbacea. Gott veður og sólskin um dag inn en þegar við fórum að
fara niður að norðan hálsinn steypti yfir okkur kol svartri þoku. Ef
hestur dytti ylti hann ofan í sjó, gæti naumlega fótað sig.
Ófeigsfjörður reisulegur bær, góð bygging og mikil, miklir
túngarðar úr steini og nátthagar. – Drengur frá Norðurfirði sagði
mér að surtarbrandsvera hefði fundist efst í klettunum fyrir ofan
Litlafell, fyrir norðan Krossnes, eða eitthvað þess háttar. – Hér á157
Ófeigsfirði fást 60–70 pund af dún. Á bæjum hér á Ströndum eru
engvar stéttir við bæina. Hér um slóðir reka menn verslun bæði til
Reykjarfjarðar og Skagastrandar. Spekúlantar koma stundum á
148 Eyrarháls eða Melaháls.
149 Hlíðarhúsafjall/Urðarfjall.
150 Réttara Kálfatindar.
151 Hér á Þorvaldur við Eyrarháls (Melaháls). Melaskarð er ekki þekkt örnefni.
152 Líklega Hvalhamar sem er utan við Eyri í Ingólfsfirði.
153 Nefnist oftast Ingólfsfjarðarbrekka.
154 Fjallvegur milli Norðfjarðar og Mjóafjarðar austur á landi.
155 Þar heitir Brekkuskarð.
156 Dalverpið niður að Ófeigsfirði, sem vegurinn liggur eftir, nefnist Sýrárdalur.
157 Venjulega er sagt í Ófeigsfirði (eins og Þorvaldur gerir á næstu blaðsíðu).