Strandapósturinn - 01.06.2012, Síða 91

91
hét ……sel?).219 Á Þaralát ursnesi er eyðibýli nýlagst í eyði.220
Stóðum við á Reykjarfirði. Heldur menni legur bóndi þar,221
fengum kaffi og mjólk uppi á skemmulofti. Sá hét Samú el222 sem
fylgdi okkur í Reykjarfjörð.
Riðum svo fram dal fram hjá laugum;223 dálítil ísnúin holt í
dalnum og stórar engjar ofar, hefi eg hvergi hér á Ströndum enn
séð svo sveitarlegt. Jök ullinn gengur niður í dalbotninn, myndast
eins og svif eða botn í jökulinn milli Hrollaugsborgar og tindsins
við Hljóðabungu og þaðan kemur skrið og halli á jökulinn.
Gengur hryggur224 á jöklinum frá Hrollaugsborg út á hálsinn sem
Miðmundahorn er. Þegar mest leysti 1880 fór þessi hryggur nærri
upp úr svo þar mátti sjá að fjallrani er á milli. Jökullinn fellur
allbrattur niður í efsta botn dalsins en eins og flatvaxnari að
neðan en mjókkar þó út. Fyrir framan efsta gras er garður, boginn
melhryggur, mórena, og þangað gekk jökullinn fram hér áður
fyrir skömmu. Þar fyrir innan eru melar með núnu grjóti,
hólahrúgum, og efst sums staðar djúp augu á milli af vatni. Uppi
í hamrahlíðunum á báða vegu, allhátt uppi, sést hvað jökullinn
hefir verið þykkur er hann gekk fram því þar eru hliðarmórenur
og stór björg jökulborin utan í hlíðinni svo hattar fyrir. Áin kemur
undan jökulendanum úr porti sem nú var fullt af nýjum snjó. Er
hún þar kaffibún á lit. Undir jökulröndinni sést alls staðar
smáhnullungagrjót með leir á milli (rullestensler). Innst er urð
að koma upp úr fremstu rönd hans, sums stað ar eru á honum stór
björg. Jökullinn töluvert óhreinn, stingur gamli snjórinn mjög af
við hinn yngri.
Fagurt og tignarlegt var að sjá fram til jökulsins þegar við
komum og sólin skein á hann en allt annað mál var að sjá hann
um kvöldið því þá dreif þokan inn yfir allt.
24. ágúst. Húðarrigning alla nóttina. Ljótt að líta út um
morguninn, þoka kaf svört yfir öllu, rigning og bleytuslettingur
219 Það hét Brittasel.
220 Nestún sem fór í eyði 1874.
221 Hér mun átt við Benedikt Hermannsson.
222 Samúel Hallgrímsson, bóndi í Skjaldabjarnarvík 1885–1910 (Jón Guðnason
(1955), bls. 553).
223 Líklega er hér átt við Heimalaug og Hestvallalaug.
224 Hrollaugsborgarháls.