Strandapósturinn - 01.06.2012, Blaðsíða 94

94
geymd í snjó til vorsins. – Timburflór er hér í húsum, spýta lögð
við spýtu.
25. ágúst. Barometrið fallið mjög og sama illviðrið. Við sváfum
í skemmu hér í nótt. Hér á Ströndum er allt með gamla
laginu, manni er boðið í skemmu eins og fyrr var. Við fengum
rúsínuvelling í kveldverð (líka gamall siður) og hékk grútarlampi
af gamla laginu yfir borðum. Á þeim hefi eg ekki séð kveikt síðan
eg var barn.
Hornbjarg er almenningur og fara menn þangað langt innan
úr sveitum, jafnvel úr Trékyllisvík, einkum á vorin þegar fer að
harðna í ári. Þó hefir verið mælt út af bjarginu dálítið stykki
handa nýbýlinu í Látravík. Fuglastengur hefi eg séð á leiðinni
með skíði framan á og snöru þar í. – Leigukvígildi eru hér hvergi
(?) á jörðum nema í Reykjarfirði, mest því að kenna að býli hér
öll hafa á víxl verið í eyði og byggð svo ekki er hægt að hafa slíkt í
lagi. Fjörubeit hér góð á vetrum en flæðir stundum. Árið 1884 (?)
flæddi allt féð hér í Reykjar firði, hver skepna. Benedikt skar sauð
fimm vetra með tvo fjórðunga mörs og níu fjórðunga falli. Hér
norður um oft bestu sauðir með átta til níu fjórðunga falli.
Kirkjuból með Sæbóli er landssjóðsjörð en bændur hér hafa það
með fyrir 6 kr. eftirgjald. Menn róa hér til fiskjar sumir norður á
Horni. Bændur eru hér tveir, Jakob235 og Benedikt Hermannsson.
Fór frá Reykjarfirði kl. 11 og fylgdi Benedikt mér. Yst í dalnum
fyrir ofan bæinn margar klappir yfrum en lægra fyrir ofan.
Reykjarfjarðarháls yfir að Þaralátursfirði lágur og á honum alls
staðar ísnúnar klappir og ísborin björg. – Fyrir nokkru rak í
Hælavík236 bambus níu álna langan. – Þoka og rigning var á
leiðinni. Þaralátursfjarðarundirlendið allmikið og þónokkuð
breitt og kvíslast áin237 um það í ótal bugðum og eru flestar
eyrarnar graslausar, þó gras á sum um. Út með að norðan er býli238
235 Jakob Hagalínsson, bóndi og húsmaður í Reykjarfirði 1884–1894 (Lýður
Björnsson (1992), bls. 92).
236 Hér átt við Hælavík í Sléttuhreppi. Þorvaldur ritar [H]e[l]jar- ofanlínu eins og til
minnis eða hann hafi ætlað að breyta orðmyndinni.
237 Þaralátursós.
238 Þaralátursfjörður. Búseta hefur því lagst af 1885 en hún hófst aftur 1887 og var
búið þar nær samfellt til 1946.