Strandapósturinn - 01.06.2012, Síða 97

97
Gisti á bænum. Ógurleg for í kring. Bóndi heitir Bæringur250
og sonur hans eins.251 Krakki þar Reimar.252 Nýbyggt þar en
sóðalegt. Fengum til kvölds ei nema skonrok og harðan fisk,
blautan að innan og myglaðan að utan. Sváfum í baðstofu. Hún
stór og ný en „útgangur“ allur mjög lélegur. Koppar undir rúm-
um við hliðina á öskunum. Kerling253 beit sykurinn niður er við
áttum að fá með kaffinu. Kýr var undir loftinu alltaf baulandi
fram eftir nótt, barn missiris gamalt254 organdi í baðstofunni,
fjóslyktin upp á loftinu, gólfið eintóm for og þar sofa hundar.
26. ágúst. Sömu ókjörin í veðrinu nú og í gær, bleytukafald, 1½°
hiti, snjóað neðst niður í hlíðar. Engin tugga hirt af túni og lítið
útlit fyrir bata. Hér getur ei sól sést lengur en rúma viku til vegna
fjallanna svo útsjón er lítil um þurrkinn. – Finnur galdramaður
í Aðalvík dó sama daginn og mikla veðrið var á Eyja firði þegar
norsku skipin strönduðu.255 Í Bolungarvíkurbjargi var það að
snjó flóðið tók séra Þorvald í Grunnavík256 og tvo menn en allir
komust þó af. Einn fór langt út á sjó en honum skolaði þó lifandi
á land.
250 Bæringur Vagnsson, bóndi í Bolungarvík 1883–1888 (Lýður Björnsson (1992),
bls. 81 og 128).
251 Bæringur Bæringsson, f. 1863, d. 1925 (Lýður Björnsson (1992), bls. 81 og 127).
252 Aðeins einn kemur til greina: Reimar Eyjólfsson, f. 1886, d. 1973. Reimar var
fæddur í janúar þetta ár og því smábarn en Þorvaldi finnst nafnið greinilega
sérkennilegt. Foreldrar hans voru Eyjólfur Guðmundsson og Mildríður Bærings-
dóttir, dóttir Bærings Vagnssonar bónda. Foreldrar Reimars bjuggu þá í Smiðju-
vík og því að líkindum gestkomandi í Bolungarvík. Sjá Lýður Björnsson (1992),
bls. 77, 146 og 283.
253 Samkvæmt Grunnvíkingabók (Lýður Björnsson (1992), bls. 81 og 204) var
þar aðeins ein gömul kona 1886. Hún hét Helga F. Einarsdóttir, f. 1829, kona
Bærings, og komin undir sextugt. Aðrar konur, sem getið er um í Bolungarvík,
eru mun yngri.
254 Vart kemur annað barn til greina en Reimar Eyjólfsson.
255 Hér mun átt við mikinn skipskaða sem varð við Hrísey að kvöldi hins 11. septemb-
er 1884. Þá rak á land 15 norsk síldveiðiskip, þrjú íslensk og eitt enskt. Þrír drukkn-
uðu. (Norðanfari 20. september 1884, bls. 64.) Finnur Gestsson, Galdra-Finni, dó
8. september 1884 svo ekki skakk ar miklu.
256 Þorvaldur Jakobsson var prestur í Grunnavík 1883–1884 (Lýður Björnsson
(1992), bls. 356). Þetta snjóflóð hlýtur að hafa verið veturinn 1883/1884. Hinir
tveir eru óþekktir.